YOSUA 21:9 - ALLAH NIHYET MEM TUNGWATU NYA

^9-19 Lene imam Harun de di intun him noni di bram yam di leu Kehat nide bat nya di intun keret Lewi him itug ndei ide minu ndig nya nipou ngat. Itug ndei minu ndig simnaibrimigningai bitut ngoi dumti di jo ttai nya. Itug ndei minu ndig muhwindatai ei keret Yehuda kin Simeon ide hanjop nsi di inyeng tak kepti. Minu ndig dima yok rino Libna kin Yatir kin Estemoa kin Holon kin Debir kin Ain kin Yuta kin Bet-Semes kin Arba (Arba ne Enak nicig ninyeng ri) lo, nogindini Arba yai ninyeng hi Hebron ba, Hebron ne minu ndig ninang coi gom ei nungug him keret Yehuda ri. Noro Kaleb di Yefune nipmot tug ndei nggreisi di briep kin minu mien nya ei hanjop dini nipou su. Lene imam pima yok itug ndei minu ndig Gibeon kin Geba kin Anatot kin Almon ei keret Benyamin ide hanjop nsi di inyeng tak kepti.

YOSUA 21:9 ပူးပေါင်းရင်းမြစ်များ

NIBOHON MBEN ISRAEL GI NIGOM 6:65

Mben Israel indo minu mien ei hanjop nsi di keret Yehuda kin keret Simeon kin keret Benyamin nya ide pima cem tug hon niko nibinggok tut.

YOSUA 21:8

Nibou mben Israel iba nisinati dima bikwas ide minu ndig nya poi bitut ngoi dumti nya tut keret Lewi nya tug hon gi iko ba, ibinggok tut gima dem igbit nicukti di tuhan sok ei Musa dip bak yoni.

NIBOHON MBEN ISRAEL GI NICAN 31:15

Lene Lewi nya hi kin bu impu Kore tut nide midyai pima ei minu ndig di imam nya ibong ser nindigsi nya. Yo di impu Kore dima yok inyeng rino Eden kin Minyamin kin Yesua kin Semaya kin Amarya kin Sekhanya. Ikwas njita dima sur yam tut imam andigpoi ug bipek pilei nya di intun keret Lewi him bit leu ide midyai di igyai nya lene bit leu insi de nya bi.

YOSUA 21:4

Yo di itug ndei ide minu ndig nya nimbie him ngat rino ig bei nsi gom-gom leu Kehat nide bat nya di intun keret Lewi him. Yo di intun Imam Harun him dini itug ndei minu ndig simnaibrimigningai ei keret Yehuda kin Simeon kin Benyamin ide hanjop nsi di inyeng tak kepti nya.

NIBOHON MBEN ISRAEL GI NIGOM 6:39

Asaf nok nibou tut nimpung gi nican di ipai doia. Nide pung di ntun him pijum hak bijuk kikau bipek Lewi inyeng rino Asaf kin Berekhya kin Simea, kin Mikhael kin Baaseya kin Malkia kin Etai kin Zerah kin Adaya kin Etan kin Zima kin Simei kin Yahat kin Gerson kin Lewi.