YOSUA 21:44 - ALLAH NIHYET MEM TUNGWATU NYA

⁴⁴ tuhan nyohou mben Israel bibindei ba, ibong kei igwam kei ei minu dima nisurti-nipekti bit leu nok Noni preu ei mem idigup bat-idigai bat nya tu. Ide siceu nya hi di brim ningkek mem gima hwen yok bi. Lewo tuhan yai nisindemti bak mben Israel leu binhyepo ibindei timek siceu nya yahagom.

YOSUA 21:44 ပူးပေါင်းရင်းမြစ်များ

NIBOHON MBEN ISRAEL GI NICAN 13:16

Apino yahagom itti kep inghim dip binang leu timiei Yehuda nya ide tentara nya yoho bei lewo Allah bindei ba, tentara timiei Yehuda nya ico kep yok.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

NEHEI LEUSI 33:14

Lene tuhan buhup “Midinyohou nani leu binhyepo anyeng mitak kep minu po dipreu sut ei su pima.”

YESAYA 63:14

tuhan buwak Nide limwa nya ug ei mpia di ibong kep inghuisi noyam kin gembala di jem nide sapi nya kep abris nghousi. Noni bie tut Nide limwa nya nok gima bibindei ba, tungwatu nya inggei sut ninyenga.

NINDAT KEP TUHAN NICUKTI NYA 2:36

Nyeni igyai yo dima ide minu ndig nya hagom bigyati tug hon ide tuhan Allah di sindem tut nye. Ikinyon ei niyai minu ndig Aroer ei Mbang Briep Arnon ninghas him kin minu ndig di jo hacan ei briep dima kikau ug bipek kin minu ndig Gilead bigyati. Minu ndig hi bon ngug tig ngkiem bibor di bikrop ttai ser nyeni bi.

NINDAT KEP TUHAN NICUKTI NYA 21:10

“Tirigino jikon pran lene jide tuhan Allah bindei ba, joom kep jide siceu nya leu api jikat yok nok awak ei pranti,

IBRANI 4:9

Noro Allah bon nituti mem Nide limwa nya leu binhyepo icoi ug ei mpia dima bibong kep inghuisi. Gima noyam kin mpe di Noni kes ninda tut Nide midyai nya ei njap gi nimuhwindacan.

YOSUA 1:13

“Ma jiyok ngon kep bipia Musa po tuhan de awak pima pai bije bipia tuhan di nok ide Allah mipek hanjop nsi ei Minyei Yordan nite bei mpia nipriti dini bak jeni leu binhyepo jidigek kep hagom binok jide bu.

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 11:12

Yosua yai minu ndig dima yok hagom biyati. Lene kat nibou ndig nya biyai nimai biyok bit leu nok tuhan de awak di Musa nicuk noti.

YOSUA 11:23

Yosua nya ibindei timek minu dima hagom titut yam lene igyai bigyati dem igbit tuhan nicukti po kes bak Musa pima. Leu api noni yai minu ndig dima bak mben Israel binok ide minu ndig nya. Leu api ikwas minu ndig dima tut yam sindam ba, bikwop keret gom-gom itug ndei dihyei hanjop nsi gom-gom bidem yok. Mpe dima lene mpia mbum-bra. Gima rino mben Israel ibong kei igwam kei lene ikes hon ba, ikon pran bi.

YOSUA 11:8

Apino tuhan bindei ba, tentara Israel ihwen yok bibindei timek yok leu api yuhuk bram nindigsi nya kikau ug ei minu ndig Misrefot-Maim kin Sidon nite bei mpia nijjai kikau ug bipek kin Mbang Briep Mizpa nite bei mpia nipriti. Pran dima cig-cai kikau ba, tungwagom ngat leu siceu dima yok niyaijo ei cem bi ba, yahagom imai ningwig hak.

YOSUA 2:24

Bipai ighyet ningwigsi nok gini “Jo nibreisi mem nye bipia tuhan miyai minu dima nisurti-nipekti hagom binye ug ri. Lewo timiei nya yahagom ittin tut nye.”

YOSUA 22:4

Apino tuhan yai bipek kep nipreu kepti ba, jide bat mben Israel nindigsi nya ibong kei igwam kei tu. Gima rino njap dem mem gima jingkwei hanyen ug ei jide hanjop di jinyeng tak kep ei Minyei Yordan nite dima ug po Musa kwas tut je nipou su pima hak ug.

YOSUA 23:1

Tirigi tuhan bindei ba, mben Israel ibong kei igwam kei wer mimbrek ngan tu ba, siceu nya ihwen bit yok bu bi lene mpe dima Yosua wer andig-ndau su.