YOSUA 21:34 - ALLAH NIHYET MEM TUNGWATU NYA

^34-40 Lene keret Lewi ninsi de niken rino Merari ninsi de ba, yoni itug ndei minu ndig simnaibrimigcan bitut ngoi dumti di jo ttai nya. Itug ndei minu ndig bitai ei keret Zebulon ide hanjop di inyeng tak kepti ba, minu ndig bitai dima rino Yokneam kin Karta kin Dimna kin Nahalal. Lene itug ndei minu ndig bitai ei keret Ruben ide hanjop di inyeng tak kepti ba, minu ndig bitai dima rino Bezer kin Yahas kin Kedemot kin Mefaat. Lene itug ndei minu ndig bitai ei keret Gad ide hanjop di inyeng tak kepti ba, minu ndig bitai dima rino Mahanaim kin Hesybon kin Yaezer kin Ramot. Ramot ne minu ndig ninang coi gom ei hanjop Gilead ri.

YOSUA 21:34 ပူးပေါင်းရင်းမြစ်များ

NIBOHON MBEN ISRAEL GI NIGOM 6:77

Yo di intun Merari him di itug ndei hanjop nsi hi bigyo dima itug ndei minu mien bitut ngoi dum kin mintu-minta di bres di jo ttai nya cem. Minu mien Rimono kin Tabor ei keret Zebulon ide hanjop nsi,

YOSUA 21:7

Lene bikwop ig bei nsi gom-gom di leu Merari nide bat nya itug ndei minu ndig simnaibrimigcan ei keret Ruben kin Gad kin Zebulon ide hanjop nsi di inyeng tak kepti nya.

YOSUA 19:15

Keret Zebulon nide bat nya itug ndei minu ndig simnaibrimigcan bitut minu mien di jo ttai nya ba, inyeng tak kep. Minu ndig simnaibrimigcan dima ne Katat kin Nahalal kin Simron kin Yidala kin Betlehem kin nindigsi nya ri.

YOSUA 19:11

Minu niya kwas yamti ei Sarid mbut bei mpia nicutti kikau ug bipek kin Marala leu api ug bipek kin Dabeset kin minyei mien ei Yokneam nite bei mpia nipriti.

NIBOHON MBEN ISRAEL GI NIGOM 6:63

Tug hon niko nibinggok tut bu lene nimpung ig bei di igya coi Merari ninsi de nya itug ndei minu mien simnaibrimigcan ei hanjop nsi di keret Ruben kin keret Gad kin keret Zebulon nya ide.

NIBOHON MBEN ISRAEL GI NIGOM 6:48

Nibou nya ikes midyai hiter ei Ig di ikuk yok bak Allah eisi bak isut bat di intun keret Lewi nindigsi nya him.