YOSUA 20:9 - ALLAH NIHYET MEM TUNGWATU NYA

⁹ Gima ne minu ndig ninang coi nya hagom di nibou nya indo mem limwa mben Israel yahagom kin ngkiai nya di ibong ei ikieti nya cem ri. Bikwop no di bisinggre biyai nimai bak hiter bi lo, yai nimai bak hiter dima tu ne nang bicoi ug ei minu ndig dima yok gom. Leu binhyepo ba minu ndig dima bicuon niyaisi leu no di huk bram bijoi sut buhup biyai nimai bak a. Gino imbus no di nang coi pima ningonti ei timiei nya yoho bei bigyo lene ma nibou nya igyai nimai bak noni au e.

YOSUA 20:9 ပူးပေါင်းရင်းမြစ်များ

MBEN ISRAEL IMBUT-MBUT NYEN 35:13

Ma jidimig minu ndig niya coi ningat muhwindagom ba,

MBEN ISRAEL IMBUT-MBUT NYEN 35:15

Minu ndig muhwindagom dima nok minu ndig niya coi mem mben Israel kin ngkiai nya di ibong laide kin gi ibong timiei ei jikieti. Bikwop no di bindei mai hiter kin gi bisinggre bi lene suar nang ug ei minu ndig niya coi dima hak ug.

YOSUA 20:4

Gima bon nituti mem noni nang ug ei minu ndig ninang coi di jindo ei su gom. Leu api nang kikau ug bipek dimbou pmem nuhui di nok mpia di nikei nya imbus dat munhyet eisi. Suar noni pai igbit tut mun di cut igkep noni bak nibou dima yok. Apino yoni misindui sut noni bicoi ug ei minu ndig dima lene mindo mpia ttou nsi ndia hi bak bibong niti.

YOSUA 20:6

Ma jisindui sut noni bibong nyahan ei sirima bibou nikei nya imbus ningonti ei timiei nya ei minu ndig dima yoho bei ug e. Nok gima cem bibou Imam Nindig ei nijam dima cem mai leu ug e. Leu api handei kon ba, no dima ngkwei hanyen ug ei nitimieisi di noni nang leu pima hak ug.”

YOSUA 20:8

Lene yoni indo minu ndig poi ei Minyei Yordan nite bei mpia nipriti ei briep bou him di nok iggum ndigsi dini jug nok minu ndig ninang coi nya bu. Minu ndig Bezer ei keret Ruben de hanjop di inyeng tak kepti kin Ramot ei Gilead di keret Gad de hanjop di inyeng tak kepti kin Golan ei minu Basan di keret Manasye de hanjop di inyeng tak kepti.