YOSUA 20:7 - ALLAH NIHYET MEM TUNGWATU NYA

⁷ Lene nibou mben Israel indo minu ndig poi ei Minyei Yordan nite bei mpia nicutti dini jug nok minu ndig ninang coi nya. Minu ndig Kedes ei nungug him keret Naftali ide ei Galilea kin Sikhem ei nungug him keret Efraim ide kin Hebron ei nungug him keret Yehuda ide.

YOSUA 20:7 ပူးပေါင်းရင်းမြစ်များ

NITRITI 23:2

Leu api nide njap ngwig hon ei Hebron ei minu Kanaan apino Abraham ningon ngguk tut bipim kep.

NIBOU NDIG NYA GI NIGOM 12:1

Lene Rehabeam ug ei Sikhem lewo mben Israel di ibong bei mpia nijjai yahagom induk yam ei mpia dima leu binhyepo ita noni nok nibou ndig.

NIBOHON MBEN ISRAEL GI NICAN 10:1

Mpe dima lene Rehabeam jo leu minu ndig Yerusalem buug ei Sikhem. Ug ei sirima lewo limwa mben Israel di ibong ei nite bei mpia nijjai yahagom induk yam ei Sikhem leu binhyepo ita noni nok nibou ndig.

MBEN ISRAEL IMBUT-MBUT NYEN 35:6

Suar jikwas minu ndig niya coi muhwindagom tut keret Lewi leu binhyepo limwa mben Israel di ibindei mai tungwagom kin gi ibisinggre bi minang bicoi ug ei minu ndig dima bingwes ngun. Ter leu minu ndig ningat muhwindagom dima lene suar jikwas minu ndig ningot bitai ba, can hi kin bu tut keret Lewi,

LUKAS 1:39

Mpe dima lene Maria tin ei bimbut ug ei minu mien gom di jo ei nungug him ei hanjop Yudea.

NINDAT KEP TUHAN NICUKTI NYA 19:9

lene ma jidimig minu ndig ninang coi ningat ningai ei bu. (Noni miyai minu dima bije gino jingon ngakei jide tuhan Allah ba, jiyai igbit mun nyeng hagom di ditri tut bije njap di ammani ba, jibit jide tuhan Allah ningginau jeti nya cem.)

NINDAT KEP TUHAN NICUKTI NYA 4:41

Leu api Musa ndo minu ndig ningai ei Minyei Yordan nite bei mpia nipriti,

YOSUA 14:15

Nipou yo lene ijem minu ndig Hebron ninyeng Arba. (Arba ne no di anjan ba, ninyeng jei bibor dor njiriek mben Enak nindigsi nya ri.) Mpe dima lene mpia mbum-bra ei minu dima nisurti-nipekti apino mben Israel ibong kei igwam kei lewo nikon-kon nyen pranti bindin yok bu bi.

YOSUA 15:13

Lene Yosua kwas keret Yehuda ide dihyei hanjop nsi nite ndia hi tut Kaleb di Yefune nipmot di nimbier kim keret Yehuda dem igbit tuhan nicuk Yosuati. Kaleb tug ndei minu ndig Hebron ba, minu ndig dima ne Arba di Enak nicig de ri.

YOSUA 19:35

Keret Naftali nide bat nya itug ndei minu ndig ngat di bon ngug tig di bikrop ttai nya simnaimuhwidip brimigtehibitai di Zidim kin Zer kin Hamat kin Rakat kin Kineret kin Adama kin Rama kin Hazor kin Kades kin Edrei kin En-Hazor kin Yiron kin Migdal-El kin Horem kin Bet-Anat kin Bet-Semes bitut minu mien di jo ttai nya hagom.

YOSUA 20:8

Lene yoni indo minu ndig poi ei Minyei Yordan nite bei mpia nipriti ei briep bou him di nok iggum ndigsi dini jug nok minu ndig ninang coi nya bu. Minu ndig Bezer ei keret Ruben de hanjop di inyeng tak kepti kin Ramot ei Gilead di keret Gad de hanjop di inyeng tak kepti kin Golan ei minu Basan di keret Manasye de hanjop di inyeng tak kepti.

YOSUA 24:1

Lene Yosua nduk keret mben Israel yahagom kwei ei Sikhem. Tirigi yahagom idem yam tu lene noni hig andigpoi di inyeng jei nya kin nibou keret nya kin nikei nya kin nibou nya yahagom kwei ba, igya kui Allah De Prak Meng.

NIJAM NIKEI NYA 9:1

Mpe di gom bu ne Abimelekh di Gideon nipmot tirimpoi pima ug cem kep nipmem nide bat nya di ibong ei Sikhem bisok nihyet ei yok dip,