Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOSUA 2:9 - ALLAH NIHYET MEM TUNGWATU NYA

9 bipai biyok “Dikan tut bipia tuhan yai minu dini hagom bije. Lewo timiei minu dini yahagom ittin tut je di mben Israel.

အခန်းကိုကြည့်ပါ။ ကော်ပီ




YOSUA 2:9
39 ပူးပေါင်းရင်းမြစ်များ  

Tirigi Yakub kin nipmot bat nya yehei sut ide bat kin ide limwa nya bimbut rin lene Allah bindei ba, timiei minu ndig di gahai nya yahagom inghuisi mpig sut nindig bibor apino tungwa hi huk bram Yakub nya bi.


Mpe dima lene mbro nok gino mimbri kui ade tentara ingkek ba, isindem bibor dor njiriek mindhe singa lo, yoni mittin tut noni lewo mben Israel yahagom ikan tut bipia mimbri kui nibou ndig ningkek bikon pran kan ba, nide tentara nya yahagom ihwen ide siceu nya sindem bibor cem.


Lene noni kin yo di igya kui noni yahagom ingkwei hanyen ug ei Elisa de biyati bipai binoni “Nogindini jo nibreisi mem da bipia mben Israel ide Allah Nongkom nok Allah di nijit. Andigpoi e, gino ace tut lene midikwas mun di kei ninyeng gom tut na.”


lewo imiap gi tuhan bindei ba, nibimbi dem kep nok tentara nimpung di nindig bibor gom di ibri kuda kin kroba kwei bihwen yok. Lene ikan bipia nibou ndig mem mben Israel njei siceu bit nibou ndig mem Het kin nibou ndig mem mben Mesir ba, mbigom yahagom mikwei hwen yok ug ri.


Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.


Mben Yahudi di ibong ser minu ndig kin hanjop nsi di ikwop nibou ndig de srat nibicukti dima eisi nya yahagom ingon nggei-hi-nggei ba, ingon llei bibor lene ibon pesta kep cem. Gima yok bindei ba, timiei hanjop nsi nya imang bibor iluei ingonti bicoi bit limwa Yahudi ide ningon di jo kep Allahti lewo tini bu ne idigit tut mben Yahudi di ibong srig yoti.


Dikan tut bipia No Di Mbrap Gau da no rinaha ei gwamti. Noni mikwei mem njap ningwig honti bimbrap gau da ei dihyeisi dini.


Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.


tuhan Nongkom nyeng tut mpia-bbed him noro Noni yai dihyeisi dini bak tungwatu nya.


Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”


Midibindei ba, jide siceu nya mittin tut Da. Tirigi jikon pran bit jide siceu nya lene midibindei ba, ibou buwei nindig bibor apino yahagom minang bingkwei hanyen.


Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.


Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.


Gino mben Mesir cem imiap tut minu ndig Tirus nitimekti lene midigit tut ba, ighyet sra tut cem.


“Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.


Minu ndig pmem Niniwe timek hak leu api mpia ntus bram ba, wer iggum ndigsi. Timiei nya ingon kou sut lewo ittin. Ibiau mbris bidigit cem. Yahagom iimaisi hai bisieng kei bi.


Tirigi mben Israel ingat rin ei Kades lene Musa sok nihyet bak nibou ndig mben Edom bipai binoni “Nye di mben Israel di nimbier kim nani nok adig-ajoi nipai ningon kanti gom bina. Jo nibreisi bipia mun di buhun bibor cut igkep nye tu.


“Harun micoi ug ei minu di dipreu ei mem mben Israel bi. Noni mimai ug rin lewo jahacem jibit dihyet bi tirigi po jingat rin ei minyei bousi Meriba pima.


Diba mitiei di dinyeng tut bitri je bit leu dijoi sutti bi e? He ma jibou dut drek dip gi dingondut tungwatuti e?’


Jide tuhan Allah mibindei ba, timiei nya bidem minu dima hagom mittin tut jeni nindig bibor bit leu nok gi po Noni preu ei mem jeni nipou su pima. Apino bit bon tungwagom mibigen ser je kan bi.


Hon njap di ammani kui lene midibindei ba, mben nya bidem dihyei nisurti-nipekti hagom mittin tut jeni. Bikwop yo di imiap tut jinghapti midigit tut ba, mittin tut jeni cem.’ ”


Apino ngkiai nya yahagom ei dihyeisi dini mingat brei bipia jeni ne mben gom ngat di tuhan dimig ei mem Nonti rin leu api inghuisi mimpig sut je.


Tirigi po No Di Ninyeng Jei kwas dihyei hanjop nsi nya leu yam pima lene Noni pek hanjop nsi bibikwop mben nya hagom. Lene Noni sindui sut mben hi gom hi gom ikuk yok bak ide kwar nya.


Niba ningon comti bindei ba, niba no dahat pinai pmem di ninyeng Rahab yai nimai bit timiei minu ndig Yerikho di isrep tut Allah bi. Lewo noni cigit mben Israel di ikwei yok itta kep ide siceu nya.


Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.


Bipai ighyet ningwigsi nok gini “Jo nibreisi mem nye bipia tuhan miyai minu dima nisurti-nipekti hagom binye ug ri. Lewo timiei nya yahagom ittin tut nye.”


Lene nipou tirigi yo cin pima ibong mai bigyo lene Rahab kui ug ei ig bou ninjek dip,


Lene nibou ndig mben Amori yahagom di ibong ei Minyei Yordan nite bei mpia nikimbasti kin nibou ndig mben Kanaan yahagom di ibong Muk Hacan nintig dip imiap tut notou tuhan bindei ba, Minyei Yordan bon nipingge leusi kikau bibou mben Israel yahagom isigon ug e. Apino yahagom ingon digit bibor ba, ittin tut mben Israel.


Lene tuhan pai bak Yosua “Nogindini nicunti dem mem gima dikes minu ndig Yerikho kin nibou ndig kin nide tentara di ibrim ingkek nya yahagom ei andati.


bitut mun di Noni bibon bak nibou ndig mben Amori cin di ibong ei Yordan nite bei mpia nipriti cem tu. Yo dima ne nibou ndig cin di Sihon di nok nibou ndig Hesybon kin Og di nok nibou ndig minu Basan di bong ei minu ndig Asytarot ri.


Lene mben Gibeon ibuhup “Andigpoi e, nimiap tut bipia tuhan Allah di jikuk je bak cuk Nide awak Musa mem gima yai minu dini titut yam bina di Andigpoi a. Lene suar jiyai nimai bak yo di ibong ei minu ndig dini yahagom mpe dino jiyai minu ndig dini ba, jiyati. Nyeni nittin tut jeni nindig bibor. Leu mijiyai nimai bak nyeni cem. Gima rino niris mun bije tug hon niyai munti pima yok.


Lene ibuhup “Andigpoi e, nikwei leu minu ting bibor. Lewo nimiap tut tuhan Allah di na di Andigpoi jeni jikuk je bak tu. Nimiap jinghapti tut mindur hagom di Noni bibon bak mben Mesir drek dip je,


Leu api nisut buhup “Mbenjen! Roti dima ndo tut Gideon di Yoas nipmot leu mben Israel nide simeda ri! Mumpriem dima ndo binye bipia Allah mibindei ba, nye di mben Midian bitut ide tentara yahagom micut bak noni ug ri!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ