YOSUA 2:6 - ALLAH NIHYET MEM TUNGWATU NYA

⁶ Pai nok noro noni buwak yo cin pima ba, ikui ug ei ig bou ninjek hu kwei leu api noni ku yo cin dima nyahan srig njita rami nintam di noni nyohou dimig keyam ei sirima nipou su.

YOSUA 2:6 ပူးပေါင်းရင်းမြစ်များ

SAMUEL GI NICAN 11:2

Njap gom ne Daud kiju leu nibong kep ninghuisiti leu api hei bikui ug ei ig ninjek dip mem mpia caisi. Tirigi noni ya-ya nyen ei sirima lene ngat sop gom di kek minyeiti. Sop dima ne sop di ubbu ngat ri.

SAMUEL GI NICAN 17:19

Lene no dima nitnem kieng minghas nimeng gom bingig kep jui dima nuhui bidis gandum-barli ningan eisi ser nhyema hi ngat minyei bousi dima igbit bi.

NIBOU NDIG NYA GI NIGOM 18:13

Akan tut bipia tirigi Izebel kinyon ei niyai nimai bak tuhan de nabi nyati lene dijem ibou sratus gom kwei bidikwas yok ei nimpung can bidiku ibou ningot muhwi ei dihyei nyem gom lene diku ibou ningot muhwi bu ei dihyei nyem gom bu. Lene diba njita kin minyei binyohou yok bi e?

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NICAN 11:2

Nahanok ma igyai nimai bak Yoas di Ahazia nipmot cem bit nibou ndig nimunggwom bat nindigsi nya. Noro Yoseba di Yoram nipmisop ba, Ahazia nikwohop krau Yoas ninda bibrim nyahan leu nindigsi nya ikieti bibindei ba, ningwes ngun. Lene noni buwak Yoas kin sop di nyohou kep noni biku yok nyahan ei nghim nsi gom ei tuhan De Ig.

NEHEI LEUSI 2:2

Leu api nitnem yai nipmot gom binoni. Tirigi nitnem ngat lo, ningwoi-ngwoi dima kei bibor kei lene ku noni nyahan kikau mem bed ningai.

YEREMIA 36:26

Lene noni cuk nipmot Yerahmeel kin Seraya di Azriel nipmot kin Selemya di Abdeel nipmot leu binhyepo ikwei kat dani kin ditde sekertaris di Barukh ba, nisima. Noro tuhan ku nye nyahan leu yok.

MATIUS 24:17

Ma no di kui bigwam ei ig bou njek cem juk hanyen kwei noro coi ug ei ig bei biyai nide ndigban au.

NINDAT KEP TUHAN NICUKTI NYA 22:8

Gino jingot ig lene ma jijang jang ser ig ninjek dip ninghas him nya leu binhyepo gino bihi icut leu ig ninjek dip dima ba, imai lene nibuhunti micut igkep je bi.

KOLOSE 3:3

Lewo jimai su lo, jide niyaijoti nimungkun jo nibreisi bigyo lene gima bitut Kristus niyaijoti. Ningginausi dini igbit rin drek dip gi jinok gom kin Allah.

IBRANI 11:23

Niba ningon comti bindei ba, niabiati Musa srek tu lene nicig-nipmem nya iku ningwoi-ngwoi nyahan mem bed ningai. Ingat lo, noni ne munggwom di kei bibor ri. Noro ittin tut nibou ndig nicuk yokti bi.

YAKOBUS 2:25

Nok gima cem tut Rahab di nibou sibui. Noni yai ningon kwes kin Allah tug hon niyai munti tirigi noni cigit mben Israel ibou can di ikwei ba iba itta sien ser ide siceu nya leu api Rahab ku yok nyahan bimpu yok leu binhyepo ingkwei hanyen kak puig hiter bingwes ngun.

YOSUA 2:5

Hammi tirigi jam dem mem jinggam mbou ngug tig mem mmun rino yo cin dima yehei leu ig bei noro dikan tut imbut ug eisi bi. Ma juhuk bram yok leu api mijahatap yok.”

YOSUA 2:7

Lene tentara po nibou ndig cuk yok kwei pima yuug leu minu ndig Yerikho leu api yo di igya ser nya inggam dimbou ngug tig ei inghim dip. Tentara pima yok yuhuk yo cin di igyok itta kep minu ndig Yerikho pima kikau ug bipek kin Yordan nyai tirigi isigon kepti.

YOSUA 2:8

Lene nipou tirigi yo cin pima ibong mai bigyo lene Rahab kui ug ei ig bou ninjek dip,

YOSUA 6:25

Yosua sindui sut sop sundal Rahab kin nide bat nya yahagom ba, igyaijo lewo Rahab nyohou yo cin di igyok itta kep minu ndig Yerikho bit leu nok Yosua nicuk yokti biku yok nyahan. (Rahab de nintun him yamti di bram yam nya ibong bit mben Israel kikau kwei bipek ammani kep.)