YOSUA 2:3 - ALLAH NIHYET MEM TUNGWATU NYA

³ Lene noni sok nihyet bak Rahab bipai binoni “Ma abindei hei yo cin po acigit yok kui ade ig pima kwei lewo ikwei yok itta kep minu ndig Yerikho dini.”

YOSUA 2:3 ပူးပေါင်းရင်းမြစ်များ

NITRITI 38:24

Bed ningai gi nidipti bu lene hi kwei pui kep Tamar ninghapti bak Yehuda bipia nignyot bingon nok sop sundal binghop tu. Gima rino Yehuda cuk nide bat nya bipai “Ma jikat noni ba, jindig noni tut niyaisi jo kep hum ug.”

NITRITI 42:31

Noro nisrep bipia niyok nitta kep nide minu bi ba, nahagom ningon sren.

SAMUEL GI NICAN 10:3

Tirigi yo dima yuug krau Amon lene nibou nya ei minu dima ipai bak Nibou Ndig Hanun “Na di Anyeng Jei e, akan bipia Daud ba ningon di ngguk bipinak yo dini kwei drek dip Na di Anyeng Jei acig nimaisi e? E bi! Daud pinak yok kwei nok yo di igyok itta kep minu igkei nya ba, ikwei yok igyai kep minu ndig dini leu api noni mibindei timek nye leu ba, yai minu dini biyati ri.”

SAMUEL GI NICAN 17:20

Lene nibou di igya kui Absalom ibou poi ikwei krau ig dima bihig ser sop dima “Ahimaas kin Yonatan iku yok ei siritou i?” Lene noni buhup “Yahacem isigon minyei tu.” Nibou dima yok inggok-nggok nyen yo cin pima noro ingat yok bi. Gima rino ingkwei hanyen ug ei minu ndig Yerusalem.

NIBOHON MBEN ISRAEL GI NIGOM 19:3

lene nibou nya ei minu dima ipai bak Nibou Ndig Hanun “Na Di Anyeng Jei e, ma akan bipia Daud ba ningon di ngguk bipinak nibou niya hacan nya kwei drek dip na di Anyeng Jei acig nimaisi e? E bi! Daud pinak yok kwei nok yo di igyok itta kep ide minu dini rin ba, ikwei yok igyai kep minu ndig dini leu binhyepo noni mibindei timek nye ba, yai ide minu dini biyati ri!”

AYUB 21:30

Yoni ipai “Njap dino Allah ba nigga biborti bikes hukum ei tungwatu nya dip lene yo di isibut nya mingwes ngun.”

IMAM NYA IDE MIDYAI 24:14

“Ma abuwak no dima ug ei prak meng yati nisai lene suar bikwop yo di imiap nisigionti pima yahagom ikes inda ei no dima nibou nggram him dip nok bindo di bindo bipia no dima bon mun tunggwei su. Leu api suar limwa nya yahagom iba tig bihwen noni bimai hak.

YOHANES 19:4

Gima ngwig lene Pilatus hei ug ei nisai hanyen bipai bak yo di imang ndig dima “Jitou kep! Mbigom dihig Yesus hanyen kwei leu binhyepo jahagom jikan tut bipia dimbus ningonti tu lo, dikan tut mun di Noni yai tunggwei hi bi.”

KISAH 12:4

Ikat Petrus lene icom noni ug ei ig bui nsi. Tentara nimpung bitai igya ser noni. Nimpung gom imangti ibou bitai bikwop nok. Herodes pi bikes hukum ei Petrus dip brei ei tungwatu yahagom igyai him niabiati tirigi Njap Ndig Paskah tun leu ug e.

KISAH 12:6

Himmun dapi binjapti kui tirigi Herodes pi bibuwak Petrus kwei bou tungwatu igyai him lene Petrus bong mai ei yo di igya ser nya ibou can ikieti. Iba lante can biteu ninda kin yo cin dima inda ba, nindigsi nya igya ngkiem ser dimbou huigya.

YOSUA 10:23

Lene irim tig di ibinggam ser hak mihyeti dima nuhui leu ba, ikri nibou ndig minu ndig Yerusalem kin nibou ndig Hebron kin nibou ndig Yarmut kin nibou ndig Lakhis kin nibou ndig Eglon yahagom kwei ba,

YOSUA 2:2

Noro hi mbot kep tut yo cin dima ikweisi bak nibou ndig Yerikho bipia mben Israel ibou can imbris nyahan kwei mem mmun ba, igyok itta kep minu dima tu.

YOSUA 2:4

Noro Rahab buwak yo cin pima biku yok nyahan tu. Gima rino buhup “Igbit ri. Dicigit yok kui ditde ig tu noro dikan tut ikwei leusi bi.

NIJAM NIKEI NYA 4:20

Lene Sisera cuk noni bipai “Aya ser dimbou huigya. Gino hi kwei nggok no di bong ser ade prak meng lene ma aom ser bipia hi bongti bi.”