YOSUA 2:19 - ALLAH NIHYET MEM TUNGWATU NYA

¹⁹ Gino jigom hei ug ei nisai bitug midut lene suar noni biang niyai munti nibuhunti leu api nyeni ningon mui drek dip ningut bi. Ne gino hi mitug midut tirigi noni gwam ei ade ig dini lene nyeni ningon mui drek dip ningut.

YOSUA 2:19 ပူးပေါင်းရင်းမြစ်များ

KISAH 27:31

Noro Paulus pai bak kompi kin nide limwa pima yok “Gino timiei kibarti nya yoom ingon ei kibar nsi bit nye bi lene bit bon jingwes ngun kan bi.”

KISAH 18:6

Noro isrep tut bipai noni kinei. Gima rino noni kit nide sinsun tut dihyei ndung di dimbos leu nok mun di bindo di bipingok yok tut igyai munti di kinei dima leu lene pai biyok “Gino jenti jibindei jenti bijisar ne gima tug hon jenti lene tug hon dani bi. Hon kep ammani kui ne midipwoi Nihyet Di Kei biduug sut ndam ngkiai nya.”

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

NEHEI LEUSI 12:13

Domba nggrom di jo dimbou hui minok mun di bindo tut jide ig di jibong ser nya. Gino dingat domba nggrom dima lene dinjiriek ig dima bidiyai nimai bak jide munggwom pinai mighumbou nya noyam kin munggwom pinai mighumbou di mben Mesir ide di diyai nimai biyok nya bi.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

KISAH 20:26

Gima rino njap di ammani dipai mun di bon ninyeng bije bipia gino jigom sar lo, tug hon da bi.

MATIUS 24:17

Ma no di kui bigwam ei ig bou njek cem juk hanyen kwei noro coi ug ei ig bei biyai nide ndigban au.

NIBOU NDIG NYA GI NIGOM 2:32

tuhan mikes hukum nimai ei noni dip drek dip gi po yai nimai bak yo pima nyahan leu ba, dicig gikan tut bi. Yo cin dima ne Abner di nibou pran mben Israel kin Amasa di nibou pran Yehuda nya hi rin ba, yahacem ingon ngun ba, isingat kei dor njiriek Yoab cem noro noni yai nimai biyok.

SAMUEL GI NICAN 4:11

Gima rino midiba nibuhun biborti dor njiriek gima bu bibuhup bak yo di imbuk bibor di igyai nimai bak no di ningon ngun di bong kep ninghuisi nyahan ei nonti nide ig. Nogindini midibuhup hanyen bije drek dip gi po jiyai nimai bak Isyboset pima ba, dicok tut je leu dihyei ninjek dip dini.”

SAMUEL GI NICAN 1:16

Daud pai kep noni “Apai ei ahui him bipia ayai nimai bak nibou ndig di tuhan ta ei su apino angon mui bitig dino abiang ayai munti nibuhunti.”

YOSUA 2:14

Lene yo cin pima ibuhup “Nipreu ei mem na bipia tirigi tuhan yai minu dini binye lene minibibon je nok gi kei gino ambot kep tut nyeni nikweisi dini bak hiter bi. Ne gino nibit nipreu ei mem nati dini bi lene ma tuhan sigion nye hak ug.”

IMAM NYA IDE MIDYAI 20:11

Pinai gom di yem njita tut nicig nitnem bat nya igom lene niyai munti dima binggek tut mun di nicig nyeng tut. Gima rino suar jikes hukum nimai ei pinai dima kin sop dima dip hak ug. Yoni imai drek dip yonti igyai mun tunggweisi dima.

IMAM NYA IDE MIDYAI 20:9

Lene tuhan yai nicukti dini biyok, “No di sigion nicig nipmem lene suar jikes hukum nimai ei noni dip. Noni mai drek dip nonti niyai mun tunggweisi dima.

YOSUA 2:12

Nogindini ma jeheng bitug hon Noni ninyeng bipia mijiba jingon di nggriu bibon dide bat nya bit leu nok gi dibon bije dini. Lene suar jiyai mun nyeng gom nok bindo bida di mibindei ba, diba dingon com je.

YOSUA 2:20

Noro gino ambot kep tut nyeni nikweisi bak hiter lene miniyok ngon kep nipreu ei mem nati bit leu nok ahara nye tut pima bi.”

NEHEI LEUSI 12:22

Lene juug yai minta hisop ningot gom kwei bijitur ei domba ninggrom di jo ei bokorti. Lene jibijos ig hyei cin ei jide dimbou hui kin biei njiti di jo nai dimbou hui dima cem. Lene ma jibihi hei ug ei nisai mem mmun dima bipek njap bigyokti au.