YOSUA 2:18 - ALLAH NIHYET MEM TUNGWATU NYA

¹⁸ Noro ma ayai nok gini. Tirigi nye di mben Israel nikwei krau ade minu lene ma aba kuk ningwoi bikri ade kendera mihyeti hammi tirigi ahuk kuk tut nyeti pima bindun. Ma abuwak acig-apmem kin akijam bat nya kin acig nide ig bei nsi nya yahagom kwei bigwam nyahan ei ade ig dini.

YOSUA 2:18 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 7:1

Lene tuhan pai bak Nuh “Dingat bou diyai him bipia nangkom ayai midyai bit leu dingon kanti. Gima rino ma nani kin ade ig bei nsi nya jahagom jicoi ug ei kibar nsi hak ug.

ESTER 8:6

Dem tut gima ade awak di dani dingat ade limwa nya ei ade ninyeng tak kepti dini icok tut ditde mben bitut yo di imbier kim da ba, imai sinsiou ei bi.”

NEHEI LEUSI 12:13

Domba nggrom di jo dimbou hui minok mun di bindo tut jide ig di jibong ser nya. Gino dingat domba nggrom dima lene dinjiriek ig dima bidiyai nimai bak jide munggwom pinai mighumbou nya noyam kin munggwom pinai mighumbou di mben Mesir ide di diyai nimai biyok nya bi.

DIUN MIMUN 4:3

Ahui ngkek ngwoi kei bidem bang ngwoi ninghas a. Lene ahui cem dia-diau kei. Angyoi dem kep biei delima ngat nisra di jo nding ei minyahas di abinggai ser aimaisi.

IMAM NYA IDE MIDYAI 14:4

lene ma imam dima cuk no dima bikrau ha di kwes di myaijo can ba, rop buwom ttou gom ba, kos mong ngwoi nikomti gom cem hai minta hisop nintam gom cem kwei.

MBEN ISRAEL IMBUT-MBUT NYEN 19:6

Gi bram bu lene suar Imam Eleazar ug yai biai ttou gom-gom kin biei hisop nintam gom kin mong ngwoi nimbier gom leu api com hagom ug ei hum di yem kep sapi di ninta ngwoi pimati.

MBEN ISRAEL IMBUT-MBUT NYEN 4:8

Lene iba minyahas ngwoi gom binggai kep mun dima yok hagom leu api ingig mindhe ngkek di nggriu-nggrop kei kep nidip bisu ug di ibikon nya hacem eisi.

LUKAS 19:9

Lene Yesus pai binoni “Njap di ammani ne Allah teu nani kin ade ig bei nsi nya jahagom leu sisar ba, jiyai niyaijo nijep drek dip gino antun Abraham him.

KISAH 10:27

Petrus mbrap bit noni bicoi kikau ug ei ig bei lene ngat lo, tungwatu ningot ndig idem yam ei su.

KISAH 10:33

Gima rino disok dihyet haninyai hwou ndam na di Andigpoi a. Jo nibreisi bipia angon nggriu sut nye jit-jau lewo akwei su. Nogindia nahagom ninduk yam kwei ei Allah niyai him biningon ya mem nihyet di Allah mipai tug hon na di Andigpoi ahui him.”

KISAH 11:14

Noni mitri tut nihyet di bindei ba, nani kin ade ig bei nsi nya jahagom jiyai niteu leu sisarti kin niyaijo nijep.’ ”

2 TIMOTIUS GI NICAN 1:16

Noro Onesiforus nya igwam ser dingon ninyen. Handei kon ba, Tuhan ngondut yok. Mbro nok gino disima ei ig bui nsi lo, Onesiforus mmai sut da bi.

IBRANI 9:19

Nimbigom ne Musa tri tut niggai serti nya hagom bak mben Israel. Leu api noni yai sapi nehen pap kin kambir nikre inggrom di srig minyeiti lene ba bika hisop kin domba ninta ngwoi bigimahap srat di niggai serti joti ningat kin mben Israel yahagom.

YOSUA 2:21

Lene Rahab ce bikes yok bimbut. Leu lene noni ba kuk ningwoi pima bikri nide kendera mihyeti bindun.

YOSUA 6:23

Gima rino yoni yuug ba, ibuwak Rahab kin nicig nipmem nya kin nikijam bat nya kin nide bat nindigsi nya yahagom kwei ba, ingwes ngun bitut ide awak nya cem leu api yahagom igwam ter dideu mben Israel ide prak meng yati.

YOSUA 6:25

Yosua sindui sut sop sundal Rahab kin nide bat nya yahagom ba, igyaijo lewo Rahab nyohou yo cin di igyok itta kep minu ndig Yerikho bit leu nok Yosua nicuk yokti biku yok nyahan. (Rahab de nintun him yamti di bram yam nya ibong bit mben Israel kikau kwei bipek ammani kep.)