YOSUA 2:12 - ALLAH NIHYET MEM TUNGWATU NYA

¹² Nogindini ma jeheng bitug hon Noni ninyeng bipia mijiba jingon di nggriu bibon dide bat nya bit leu nok gi dibon bije dini. Lene suar jiyai mun nyeng gom nok bindo bida di mibindei ba, diba dingon com je.

YOSUA 2:12 ပူးပေါင်းရင်းမြစ်များ

NITRITI 21:23

Gima rino ma aheng bidani ei hanni ei Allah Noho bei bipia mporo aris bidani kin ditde nintun him yamti di bram yam nya bi sren. Lewo dipwoi angon ninno tu. Gima rino ma apwoi dingon ba, anyohou ditde minu di dinyeng tak kep dini cem lewo apek hanjop nsi ei angkiaisi dini ninno tu.”

NITRITI 24:3

Lene ma aheng bitug hon tuhan di ninyeng tak kep mpia-bbed him kin dihyeisi dini ninyeng bipia mporo abuwak sop timiei hi leu minu Kanaan dini bak dipmot Ishak bi.

NITRITI 24:9

Lene awak dima su ninda ei niceu Abraham niko kieti lene beheng bipia noni miyai igbit Abraham nicuk noti nya hagom.

NITRITI 40:14

Noro ma ayok ngon kep da ba, angondut da tirigi abong kei agwam kei hanyen. Lene ma apai sut da bak nibou ndig leu binhyepo noni mikes da leu ig bui nsi dini.

NIBOHON MBEN ISRAEL GI NICAN 36:13

Nibou Ndig Nebukadnezar bidip huk Zedekia leu binhyepo heng bitug hon Allah ninyeng bipia ningon gom tut Nebukadnezar. Noro niabiati bu lene Zedekia ham nimbuk kep Nebukadnezar hanyen. Zedekia ningkek ndok tut tuhan Allah mben Israel ba, kou sut gima tin ser nide sisar bingkwei hanyen ndam tuhan cem.

ESTER 8:6

Dem tut gima ade awak di dani dingat ade limwa nya ei ade ninyeng tak kepti dini icok tut ditde mben bitut yo di imbier kim da ba, imai sinsiou ei bi.”

NEHEI LEUSI 12:13

Domba nggrom di jo dimbou hui minok mun di bindo tut jide ig di jibong ser nya. Gino dingat domba nggrom dima lene dinjiriek ig dima bidiyai nimai bak jide munggwom pinai mighumbou nya noyam kin munggwom pinai mighumbou di mben Mesir ide di diyai nimai biyok nya bi.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

MARKUS 14:44

No di tri Yesus pai bak yo di isibut nya bibie tu bipai “Ma jitou kep! Gino dimei tungwagom ningyoi lene mijikan tut bipia No pima ri. Ma jikat Noni ngkiem ba, jibuwak ug!”

ROMA 1:31

ingon mien tindur cem ba, ingon gom tut ningon nggriu sut yamti kin ningondut yamti bi.

TIMOTIUS GI NIGOM 5:8

Ne gino tungwagom nyohou ninsi de nya bi bitut nide ig bei nsi nya bibie ug e bi ne no dima dem kep no di bikep ser ningon jo kepti ba, sibut bibor dor njiriek no di ningon jo kep bi.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YOSUA 2:13

Ma jipreu ei bida bipia mijinyohou dicig-dipmem yoni kin dikijam bat nya kin dikindig bat-dikinjoi bat nya bitut ide bat nya yahagom ba, ingwes ngun. Suar jibit leu nok dahara jeti leu binhyepo jide tentara migya kep bihwen yok bi.”

YOSUA 2:18

Noro ma ayai nok gini. Tirigi nye di mben Israel nikwei krau ade minu lene ma aba kuk ningwoi bikri ade kendera mihyeti hammi tirigi ahuk kuk tut nyeti pima bindun. Ma abuwak acig-apmem kin akijam bat nya kin acig nide ig bei nsi nya yahagom kwei bigwam nyahan ei ade ig dini.

YOSUA 2:19

Gino jigom hei ug ei nisai bitug midut lene suar noni biang niyai munti nibuhunti leu api nyeni ningon mui drek dip ningut bi. Ne gino hi mitug midut tirigi noni gwam ei ade ig dini lene nyeni ningon mui drek dip ningut.

YOSUA 6:22

Lene Yosua pai bak yo cin po igyok itta kep minu ndig Yerikho pima “Ma juug ei sop sundal de ig bei ba, jibuwak noni kin nide bat nya yahagom kwei bit leu nok jipreu ei mem noniti tu.”

YOSUA 9:15

Lene Yosua bon gi preu bit yok leu binhyepo ingon kwes kin yam leu api sindui sut yok bigyaijo hak ug. Lene nibou mben Israel cem yeheng tut bipia yoni cem yahati tut gi preu dima.

NIJAM NIKEI NYA 1:24

lene yuum pinai gom di jo leu minu ndig dima lene ipai bak “Gino ampu nye ba, ando puig binye leu binhyepo nicoi ug ei minu ndig dima lene minuubon nani nok gi kei.”

SAMUEL GI NIGOM 30:15

Daud hig ser noni “Ace tut gima abuwak da ug ei mpia di yo di isibut dima ibongti e?” Lene munggwom dima buhup “Gino na di Andigpoi apreu ei mem da tug hon tuhan ninyeng bipia akes hukum nimai ei da dip ba, akes da bak diceu hanyen bi lene midiyai igbit angon kanti.”