YOSUA 19:51 - ALLAH NIHYET MEM TUNGWATU NYA

⁵¹ Imam Eleazar kin Yosua kin nibou mem bibikwop Israel de keret ninsi de gom-gom ikwas dihyei hanjop nsi dima tut yam tug hon gi iko ba, ibinggok tut tuhan ningon kanti. Yoni ibon mun dima yok hagom tirigi idem yam ei tuhan De Prak Meng nuhui ei Silo. Gima ne nikwas dihyei hanjop nsi nyati ningwigsi ri.

YOSUA 19:51 ပူးပေါင်းရင်းမြစ်များ

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 78:60

Lene bikes Nide Prak Meng di yohok ei Silo di nok mpia di Noni Ningat rin eisi ei Nide limwa nya ikieti bijo ei.

MATIUS 20:23

Yesus pai biyok “Igbit ri. Jidut ei gi mokti di didut eisi. Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

KISAH 13:19

Noni njei bitot mben ngkiai nya nitindur muhwindacan bitimek bingwig ei Kanaan leu api kwas minu dima hagom tut mben Israel leu binhyepo igyai minu dima titut yam binok ide minu ninda rom.

YOSUA 14:1

Gini jug ne nipui sut notou ikwas minu Kanaan ei Minyei Yordan nite bei mpia nicutti tut mben Israel ri. Yo di ikwas minu dima tut mben Israel rino Imam Eleazar kin Yosua di Nun nipmot kin nibou mem Israel insi de gom-gom nya.

YOSUA 18:1

Tirigi ibindei timek minu ndig nya di tuhan preu ei mem yok hagom tu lene mben Israel yahagom induk yam kwei ei Silo. Leu api itas tuhan De Prak Meng di bindo tut bipia tuhan ningat rin ei ikieti ei mpia dima.

YOSUA 18:10

Leu api Yosua ko binggok tut leu binhyepo bikan tut tuhan ningon kanti mem yok leu api kwas dihyei hanjop nsi dima tut keret mben Israel gom-gom di itug ndei hi bigyo nya.

YOSUA 20:1

Leu api tuhan pai bak Yosua bipia,

NIJAM NIKEI NYA 21:19

Lene ikan kep “Puig di kei gom rinok gini. Jei bi lene njap dem mem ibon midut di ibon kikep bikwop ari bingwam mem tuhan ei Silo ri.” (Silo jo ei minu ndig Betel nite bei mpia nijjai kin Lebona nite bei mpia nibiho cem ba, puig Betel di ug ei Sikhem jo Silo nite bei mpia nicutti.)

NIJAM NIKEI NYA 21:21

jiyai ngkiem. Tirigi sop gwam nitta pilei di leu Silo nya itau kwei ba, ibien-bien nyen bingon mingon ei nibon midut kikepti mem tuhan dima lene suar bikwop jigom-gom jikiju leu jiku je eisi dima bijikat sop gwam nitta pilei gom bijinang tut kikau ug ei keret Benyamin de dihyei hanjop nsi bijijem nok jitnem.

SAMUEL GI NIGOM 1:3

Lene Elkana bit leu niyai kepti bikwop ari bingwam ba, jo leu minu ndig Rama buug ei Silo leu binhyepo kuk no bak tuhan Di Sindem Bibor bibon midut nindig mindhe ei nimbar hum dokti bak Noni ei sirima. Mpe dima lene Eli yai nipmot bat cin di Hofni kin Pinehas ba, igyai midyai nok imam mem tuhan ei sirima.