YOSUA 18:3 - ALLAH NIHYET MEM TUNGWATU NYA

³ Gima rino Yosua pai bak mben Israel “Jigwam bipek apig bu leu api jibrim jingkek ba, jibindei timek minu di jidigup bat-jidigai bat nya ide tuhan Allah yai bije pima leu ba, jiyai bijiyati i?

YOSUA 18:3 ပူးပေါင်းရင်းမြစ်များ

NIPINGOK NINGONTI 10:4

No di mbris micut ug ei nuhui mbumti. Noro no di joi bibor minyeng bibor.

NIPINGOK NINGONTI 13:4

Mbro nok gino no di bong biei nda dip ningon pri kep mun nyeng hi lo, bit bon noni yai kan bi. No di nijoi bibor miyai mun di noni suar nya hagom.

NIPINGOK NINGONTI 15:19

Mun di buhun micut igkep no di mbris bikwop njap ngwa hagom noro micut igkep no di ningon gom bi.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

ZEFANYA 3:16

Ngon bou midem leu api tungwatu nya ipai “Mei! Timiei minu ndig Yerusalem e, ma jittin ba, jingon dahat leu au.

MATIUS 20:6

Son dideu mmunti lene noni mbut hanyen bu bingat yo di igya-ya nyen ei biyati hi kin bu bihig ser yok ‘Nggon rino jiya-ya nyen ba, jiyai midyai hi bi kikau njap jei di ammani i?’

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOSUA 1:6

Ma angon nddong ba, abrim angkek lewo attei nibou tut yo dini tirigi icoi bigyai minu di dipreu ei mem idigup bat-idigai bat nya bigyati.

YOSUA 13:1

Ari bingwam mang ser leu api Yosua wer misar bibor tu. Lene tuhan pai binoni, “Yosua e, awer misar bibor tu. Noro minu ndig di suar mben Israel ibindei timek leu bigyai bigyati mang bibor no jo yo.

YOSUA 18:2

Mpe dima lene keret mben Israel muhwindacan itug ndei dihyei hanjop nsi mem yonti bigyo.

YOSUA 18:4

Ma jidimig ibou ningai leu bikwop jide keret gom-gom ba, ikwei ya doho bei. Leu api midicuk yok ba, igyok itta kep dihyei hanjop nsi nikenti nya hagom. Lene suar ipas kep mun di ingat bou igyai him ei minu dima nisurti-nipekti kin hanjop nsi di ijoi sut itug ndei nok ide cem. Tirigi ipas kep hagom leu su lene ma ingkwei sut bikwei ngat da hanyen.

NIJAM NIKEI NYA 18:9

Lene ipai biyok “Jikwei ba, injei bihwen timiei Lais nya. Nuug ngig niyai kep yok tu ba, ningat lo, dihyei dima nnum kei ba, bres cem ngat ningat mang bibor cem ba, mun nyeng hagom ei sirima nok gi dem. Ma jibong kikau ei sirini bijibon mun nyeng hi bi au. Jikiju ba, juug ei minu dima haninyai bijihwen minu ndig dima lene jiyai bijiyati. Lene mijingat bipia timiei minu ndig dima iba ingon bikan tut gima hiter mihwen yok cem bi sren. Nyeni niba ningon com bipia Allah yai minu ndig dima binye tu.”