YOSUA 18:16 - ALLAH NIHYET MEM TUNGWATU NYA

¹⁶ Leu api juk bipek kin nungug kiou di jo bikik Mbang Briep Hinom sur Mbang Briep Refaim nohon keti nite bei mpia nijjai ngig-ngat. Gima leu lene minu niya kwas yamti dima juk bei mpia nibiho bikak Mbang Briep Hinom bikriau mben Yebus ide minu ndig ei pimbien bou pima kikau bipek kin En-Rogel.

YOSUA 18:16 ပူးပေါင်းရင်းမြစ်များ

SAMUEL GI NICAN 17:17

Mpe dima lene Yonatan di Abyatar nipmot kin Ahimaas di Zadok nipmot iku yok nyahan ei minyei bousi di En-Rogel di jo minu ndig Yerusalem nitta lewo ibrim ingkek mem gima icoi kwei ei minu ndig dima bi leu binhyepo hi ngat yok bi. Lene sop awak gom kwei cem kep yok bikwop nituti hagom leu binhyepo mbot kep tut mun di pek kep ei minu ndig dima biyok leu api yoni yuug tri tut hanyen bak Nibou Ndig Daud.

SAMUEL GI NICAN 5:18

Tentara Filistin ikwei krau Mbang Briep Refaim bibong ei sirima.

NIBOU NDIG NYA GI NIGOM 1:9

Njap poi ser lene Adonia bon midut bibui domba kin sapi nikre kin sapi pmot di nehen pap nya bindig kep hum ei mpia ttou nsi gom di ninyeng Tig Wou dideu minyei bousi En-Rogel. Lene noni nduk Nibou Ndig Daud nipmot bat nindigsi nya kin nibou Yehuda nya di igya kui nibou ndig yahagom kwei ba, ibon midut bit noni.

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOHON MBEN ISRAEL GI NIGOM 14:9

Daud njei sut nide siceu nya bisri lo, tentara Filistin igyai Mbang Briep Refaim bigyati ba, icat ndigban nya hagom tu.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YEREMIA 19:11

bipai bida bipia ditri tut biyok bipia tuhan Di Sindem Bibor pai “Midibindei ba, minu dini bitut timiei nya yahagom iki kukiau noyam kin dibijig dini. Bit bon hi kinding yok bikei hanyen kan bi. Tungwatu nya mitig nimai ei Tofet lewo jui dip nindigsi nya hagom mpung ser tu.

YEREMIA 19:2

dibie tut yok kak Dimbou Pmem Den Sra ug ei Mbang Briep Hinom. Noni pai bida bipia ditri tut nihyet di Noni pai bida.

YEREMIA 19:6

Gima rino ei nidipti bu ne tungwatu nya mijem mpia dini ninyeng Tofet kin Mbang Briep Hinom bu bi noro mijem ninyeng Mbang Briep Nibui Mikwau.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YOSUA 15:63

Bitut keret Yehuda ide minu ndig Yerusalem cem noro bit bon igijji mben Yebus di ibong ei sirima leu itimieisi dima kan bi. Ba, mben Yebus no ibong timiei ei sirima bit keret Yehuda kwei bipek ammani kep.

NIJAM NIKEI NYA 1:21

Noro bit bon tentara keret Benyamin ijji timiei Yebus leu minu ndig Yerusalem kan bi. Gima rino timiei Yebus nya ibong timiei ei sirima bit keret Benyamin.

NIJAM NIKEI NYA 1:8

Mpe dima lene tentara keret Yehuda icut igkep minu ndig Yerusalem ba, ihwen timiei minu dima leu api igyai bigyati. Lene ibindig minu ndig dima ba, ibiyai nimai bak limwa minu ndig Yerusalem nya cem.

NIJAM NIKEI NYA 19:10

Noro no dima kou sut gi bong hanyen bu ei sirima. Noni kin nitnem mien ikiju lene ibri bigwam ei ide keledai cin dip bimbut ba, awak dima cem bit yok. Tirigi mpia mmun ser yok tu lene yuug krau minu ndig Yebus (Yebus dima ne minu ndig Yerusalem ri). Leu api awak dima pai bak nide andigpoi “Andigpoi e, jikwei ba, igwam ei sirini bibong bit mben Yebus hak ug.”