YOSUA 18:1 - ALLAH NIHYET MEM TUNGWATU NYA

¹ Tirigi ibindei timek minu ndig nya di tuhan preu ei mem yok hagom tu lene mben Israel yahagom induk yam kwei ei Silo. Leu api itas tuhan De Prak Meng di bindo tut bipia tuhan ningat rin ei ikieti ei mpia dima.

YOSUA 18:1 ပူးပေါင်းရင်းမြစ်များ

SAMUEL GI NICAN 7:6

Ei nijam po diteu Ditde limwa di mben Israel ba, ingwes ngun leu Mesir kikau kwei bipek ammani kep lene dibong ig hiti bi. Lewo dibong-bong nyen bidem minu ei prak meng behei he.

NIBOU NDIG NYA GI NIGOM 14:2

Gima rino Yerobeam cuk nitnem “Atin ei ba, abisinggre ba aluei atta binok sop hiter leu binhyepo hi ngat igbit nani bi. Leu api aug ngat Nabi Ahia ei nide ig ei Silo. Nabi Ahia dima ne no di nipou pini jug pai sut bipia midikui nok nibou ndig mem mben Israel pima ri.

NIBOU NDIG NYA GI NIGOM 14:4

Leu api Yerobeam nitnem kiju bimbut ba, ug ngat Nabi Ahia ei nide ig ei Silo. Nabi dima wer andig-ndau bibor tu ba, niyai tu tu.

NIBOU NDIG NYA GI NIGOM 2:27

Leu api Salomo cut Abyatar leu ninyeng imam. Tug hon Salomo niyai munti dima ne mun di tuhan pai ei Silo tut imam Eli de nintun him yamti di bram yam nya cut igkep yok tu.

NEHEMIA 9:24

Yo di intun him yok nya ihwen mben Kanaan di ibong ei minu dima bingwig tug hon Ade nisindemti di sindem tut yok. Ayai nisindemti biyok leu binhyepo Ade limwa nya ibibon nibou ndig mben Kanaan bitut ide limwa nya yahagom bit leu ingon kanti.

MAZMUR 78:60

Lene bikes Nide Prak Meng di yohok ei Silo di nok mpia di Noni Ningat rin eisi ei Nide limwa nya ikieti bijo ei.

MAZMUR 78:66

Noni bui Nide siceu nya ba, isu jou kep inghim dip lene bindei timek yok bijo ninno-bijo kikau.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 41:5

lene ibou ningot muhwindaningai ikwei leu Sikhem kin Silo kin Samaria minu dini yok. Yo dini ikak yuhui nta leu birik sinsun di ijuk cem iba singau biyai nibokti biyonti. Yo dini ipwoi gandum kin biei nggrai di ui-gwang kei mem gima ibikuk yok bak tuhan ei Nide Ig.

MBEN ISRAEL IMBUT-MBUT NYEN 32:22

ninyeng tak kep minu dima hagom. Gima ngwig leu lene ma jingkwei hanyen lewo jibit tuhan nicuk jeti dima tu ba, nikon pran mem jisut bat nyati pima ngot jeni bu bi. Gima leu lene tuhan miyai dihyei ei Minyei Yordan nite bei mpia nipriti dini bijeni nok jide.

KISAH 7:45

Ei nidipti bu lene ide pung di intun him nya iba yo kep prak meng dima leu idigup bat-idigai bat nya bibiang-biang nyen tirigi yoni kin Yosua injei bitot ngkiai nya di Allah jji yok bingwig sindam leu api igyai minu dini bigyati. Prak meng dima jo nijoti ug bipek nijam Nibou Ndig Daud.

YOSUA 18:2

Mpe dima lene keret mben Israel muhwindacan itug ndei dihyei hanjop nsi mem yonti bigyo.

YOSUA 18:8

Leu api Yosua pingok yo dima ingonti bipai “Ma juug bijiyok jitta kep minu dima bijiba gambar kep minu niya kwas yamti dima nimbutti nya ningwes ei srat gomti. Leu api jingkwei sut bijindo bida. Lene midiko bidibinggok tut leu binhyepo dibikan tut tuhan ningon kanti mem je.” Lene yo dima yuug bigya bidem minu dima titut yam bipas kep hanjop muhwindacan de minu niya kwas yamti pima nimbutti nya. Lene ibipas kep minu ndig nya ei dihyei hanjop nsi dima yok hagom inyenga. Leu api ingkwei bikwei ngat Yosua hanyen ei prak meng yati ei Silo.

YOSUA 19:51

Imam Eleazar kin Yosua kin nibou mem bibikwop Israel de keret ninsi de gom-gom ikwas dihyei hanjop nsi dima tut yam tug hon gi iko ba, ibinggok tut tuhan ningon kanti. Yoni ibon mun dima yok hagom tirigi idem yam ei tuhan De Prak Meng nuhui ei Silo. Gima ne nikwas dihyei hanjop nsi nyati ningwigsi ri.

YOSUA 22:19

Gino jibindei ba, map kui jide minu ndigti ba, dem tut gima jiwin gumihyep mem gima jibikuk je bak tuhan ei niti bi. Lene ma jipri hak kwei ei tuhan de minu di Nide Prak Meng ya niti dini. Ma jikiek ba, jaham jimbuk kep tuhan ba, jaham jimbuk kep nyeni cem tug hon gi jiwin nimbar hum dok hi kin bu au. Lewo tuhan de nimbar hum dok jo mem nye tu.

NIJAM NIKEI NYA 18:31

Kwar di Mikha bon bou ninda him dima jo kikau ei Lais sur nijam di tuhan De Prak Meng jo ei Silo.

NIJAM NIKEI NYA 21:12

Leu api imbus sop gwam nitta pilei nya ibou sratus bitai leu timiei Yabes ikieti bibuwak yok kwei ei prak meng yati ei Silo ei minu Kanaan.

NIJAM NIKEI NYA 21:19

Lene ikan kep “Puig di kei gom rinok gini. Jei bi lene njap dem mem ibon midut di ibon kikep bikwop ari bingwam mem tuhan ei Silo ri.” (Silo jo ei minu ndig Betel nite bei mpia nijjai kin Lebona nite bei mpia nibiho cem ba, puig Betel di ug ei Sikhem jo Silo nite bei mpia nicutti.)

SAMUEL GI NIGOM 1:24

Niabiati tirigi Samuel kes do leu ba, dut bu bi lene nipmem usap noni ug ei tuhan De Prak Meng nsi ei Silo. Yoni ijem sapi di nide njap ug ei ari bingwam ningai ningut gom ba, ipwoi tepun kron gom kin ba anggur ningei naham nindig gom cem bimbut tut.

SAMUEL GI NIGOM 1:3

Lene Elkana bit leu niyai kepti bikwop ari bingwam ba, jo leu minu ndig Rama buug ei Silo leu binhyepo kuk no bak tuhan Di Sindem Bibor bibon midut nindig mindhe ei nimbar hum dokti bak Noni ei sirima. Mpe dima lene Eli yai nipmot bat cin di Hofni kin Pinehas ba, igyai midyai nok imam mem tuhan ei sirima.