YOSUA 17:7 - ALLAH NIHYET MEM TUNGWATU NYA

⁷ Keret Manasye de dihyei hanjop nsi nibresti bon minu niya kwas yamti di pek keret Asyer de dihyei hanjop nsi kikau bipek kin minu ndig Mikhmetat simin Sikhem ei nite bei mpia nipriti. Lene minu niya kwas yamti dima kiek ei sirima bijuk bei mpia nibiho kikau bipek kin mben En-Tapuah ide hanjop.

YOSUA 17:7 ပူးပေါင်းရင်းမြစ်များ

NITRITI 34:2

Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 37:12

Mpe di gom bu ne Yusuf nikindig bat nya imbut biyuug ei Sikhem bijem Yakub de domba nya kin kambir nya kep abris meng ei sirima.

NITRITI 37:14

Lene nicig pai bu “Ma aug bisis ser yok gino ingat rin kin gi kei ba, domba nya kin kambir nya cem hagom nok gi kei e? Leu api akwei hanyen ba, apai igbit bida.” Lene nicig cuk noni buug leu api noni jo leu mbang briep Hebron dima. Jei bi lene noni kwei krau Sikhem,

NIBOU NDIG NYA GI NIGOM 12:1

Lene Rehabeam ug ei Sikhem lewo mben Israel di ibong bei mpia nijjai yahagom induk yam ei mpia dima leu binhyepo ita noni nok nibou ndig.

NIBOU NDIG NYA GI NIGOM 12:25

Niabiati ita Yerobeam nok nibou ndig mem mben Israel lene noni bindei ba, minu ndig Sikhem di jo ei nungug him hanjop Efraim bon tentara nibousi di igya coi nya apino noni bong ei minu ndig dima mem nituti poi. Lene noni ug bu bibong ei minu ndig Pnuel lene bindei ba, minu ndig dima cem bon tentara nibousi di igya coi.

NIBOHON MBEN ISRAEL GI NIGOM 6:67

Minu dima yok ninyeng rino Sikhem di nok minu ndig ninang coi ei nungug him ei hanjop nsi dima kin Gezer kin Yokmeam kin Bet-Horon kin Ayalon kin Gat-Rimon.

MAZMUR 60:6

Asok kep yo di ikuk yok biNa leu binhyepo ingwes ngun leu hukum di micut igkep tungwatu nya.

YOSUA 17:8

Apino keret Manasye inyeng tak kep dihyei hanjop nsi di gahai dima kou noro keret Efraim ide nintun him yamti di bram yam nya rino inyeng tak kep minu ndig Tapuah ei minu niya kwas yamti pima.

YOSUA 20:7

Lene nibou mben Israel indo minu ndig poi ei Minyei Yordan nite bei mpia nicutti dini jug nok minu ndig ninang coi nya. Minu ndig Kedes ei nungug him keret Naftali ide ei Galilea kin Sikhem ei nungug him keret Efraim ide kin Hebron ei nungug him keret Yehuda ide.

YOSUA 24:1

Lene Yosua nduk keret mben Israel yahagom kwei ei Sikhem. Tirigi yahagom idem yam tu lene noni hig andigpoi di inyeng jei nya kin nibou keret nya kin nikei nya kin nibou nya yahagom kwei ba, igya kui Allah De Prak Meng.

YOSUA 24:32

Gi nipou mimbrek ngan tu ne ide pung Yakub ba mitiei perak ningat sratus gom bipek mpia ttou nsi gom leu yo di intun Hemor him. Hemor dima ne Sikhem nicig ri. Tirigi po mben Israel ingwes ngun leu minu Mesir pima lene ikon brua gom di ide pung di Yusuf ningut joti bimbut tut kak imbutti nya kikau kwei bipek njap dini kep. Leu api itig brua dima tut Yusuf ningut di joti ei mpia ttou nsi di Yakub pek ei Sikhem tu lewo Yusuf de nintun him yamti di bram yam nya iba yokep mpia ttou nsi dima tu.

NIJAM NIKEI NYA 9:1

Mpe di gom bu ne Abimelekh di Gideon nipmot tirimpoi pima ug cem kep nipmem nide bat nya di ibong ei Sikhem bisok nihyet ei yok dip,