YOSUA 17:16 - ALLAH NIHYET MEM TUNGWATU NYA

¹⁶ Lene yo di intun Yusuf him dima ibuhup “Nungug him dima dem mem nyeni bi. Mben Kanaan di ibong ei mbang briep nya iba kroba pran di iba ngkimom nitu bibon bikon pran. Yo dima ne timiei Bet-Sean kin minu mien di jo ttai nya kin timiei Mbang Briep Yizreel cem.”

YOSUA 17:16 ပူးပေါင်းရင်းမြစ်များ

NIBOU NDIG NYA GI NIGOM 18:45

Jei bi lene jinnum nggai kep minu dima ba, hou di nimig ten kui yokti lene biget mbras nindig bibor cem leu api Ahab bri nide kroba pran bingkwei hanyen ug ei Yizreel.

NIBOU NDIG NYA GI NIGOM 18:46

Haninyai tuhan sindem tut Elia nindig bibor. Noni krop nide sinsun bikri nide bang kep nintig bou bingkiem leu api dor bibie Ahab noho kak puig jei dima kikau ug ei dimbou pmem minu ndig Yizreel.

NIBOU NDIG NYA GI NIGOM 21:1

Nabot nyeng tut ba anggur nghousi di jo dideu Nibou Ndig Ahab de ig ei Yizreel.

NIBOU NDIG NYA GI NIGOM 21:23

Lene Allah pai sut Izebel bipia nsien nya migyem ningut bingwig ei minu ndig Yizreel.

NIBOU NDIG NYA GI NICAN 9:10

Tut Izebel ne tungwatu nya mitig bi. Noro nsien nya mibriug ningut bigyem bingwig ei hanjop Yizreel ug ri.’ ” Nabi di pilei yo dima ndat kep nihyet dima hagom bak Yehu leu lene bipbur ba, nang leu.

NIBOU NDIG NYA GI NICAN 9:37

ninjum nikenti nya mijo sinsiou nyen noyam kin sapi oi apino tungwatu nya mikan igbit tut nimai ngut dima ninyeng bu bi sren.”

YEREMIA 49:2

Noro tto bou dem leu api midibindei timiei minu Amon de minu ndig pmem Raba ba, imiap pran nigwei di bong yo. Minu ndig dima mitti sinsiou ba, hum yem minu mien ngot di jo ttai nya hagom bingwig. Leu api mben Israel igyai dihyei di ide hanyen leu yo di nipou igyai di igyati pima inda nsi.

YOSUA 17:11

Keret Manasye itug ndei mben Kanaan ide minu ndig Bet-Sean kin Yibleam kin Dor (ei les him) kin En-Dor kin Taanakh kin Megido bitut minu mien di jo ttai nya cem ba, hagom jo ei keret Isakhar kin Asyer ide minu ninyeng tak kepti ninsi.

YOSUA 17:15

Lene Yosua buhup “Gino jimang bibor ba, nungug him ei hanjop keret Efraim cem kom bibor bibon nibresti mem je bi lene ma jikieng kep dihyei hanjop nsi di mben Feris kin mben Refaim ibong eisi nipou su ba, jiwin jide minu ndig nijep nya ei baham tindurti dima.”

YOSUA 17:17

Lene Yosua pai biyok “Igbit ri. Jeni ne jimang bibor leu api jisindem cem. Nna ba jitug ndei dihyei hanjop nsi hi kin bu lewo jide dihyei hanjop nsi gom ngat dima dem mem je bi.

YOSUA 17:18

Dice tut ba, jitug ndei nungug him dima cem. Mbro nok gino nungug him dima wer baham tindurti lo, dem mem gima jiwimti ba, jibong ei hanjop dima nisurti-nipekti. Lene tut mben Kanaan dima ne mbro nok gino isindem bibor ba, iba ngkimom nitu bibon ide kroba pran nya cem lo, jidem mem gima jijji yok.”

YOSUA 19:18

Bitut minu ndig Yizreel kin Khesulot kin Sunem kin Hafaraim kin Sion kin Anaharat kin Rabit kin Kisyon kin Ebes kin Remet kin En-Ganim kin En-Hada kin Bet-Pazes. Minu ndig dini yok hagom jo ei ide dihyei hanjop nsi.

NIJAM NIKEI NYA 4:13

Noni mbus nide kroba pran ngkimom nitu ningat sratus muhwindatai pima kin nide tentara yahagom ei Haroset-Hagoyim lene hei sut yahagom biyuug ei Minyei Kisyon nyai.

NIJAM NIKEI NYA 4:3

Yabin nyeng tut kroba pran di iba ngkimom nitu bibon ningat sratus muhwindatai. Noni ba nimbuk bico kep mben Israel kikau mem ari bingwam ningot can tu. Leu gima rino mben Israel yahara tuhan kwei mpu yok.

NIJAM NIKEI NYA 6:33

Lene mben Midian kin Amalek kin ngkiai nya di ibong bidem iggum ndigsi yahagom isigon Minyei Yordan ba, yohok ide prak meng yati ei mbang briep Yizreel.

SAMUEL GI NIGOM 29:1

Lene mben Filistin induk ide tentara nya bidem yam ei Afek. Noro tentara Israel yohok ide prak meng yati dideu minyei bousi ei Mbang Briep Yizreel.