YOSUA 17:1 - ALLAH NIHYET MEM TUNGWATU NYA

¹ Lene Yosua kwas dihyei hanjop nsi ei Minyei Yordan nite bei mpia nicutti ndia hi tut keret Manasye ninsi de nya gom-gom di intun keret Manasye him nikenti nya. Manasye ne Yusuf nipmot mighumbou ri. Lene Manasye nipmot mighumbou ninyeng rino Makhir ba, noni ne Gilead nicig ri. Makhir ne tentara di kon pran igkei ri. Gima rino Yosua kwas minu ndig Gilead kin minu Basan ei Minyei Yordan nite bei mpia nipriti tut noni.

YOSUA 17:1 ပူးပေါင်းရင်းမြစ်များ

NITRITI 41:51

Lene Yusuf pai “Allah bindei bisingon prion ser nijam po tungwatu nya kin sicig nide ig beisi nya ihwen bit sa pima tu.” Gima rino jem nipmot mighumbou ninyeng Manasye.

NITRITI 41:52

Lene noni pai bu “Allah yai simunggwom bat nya bisa ei minu di sisima hukum mikuisi eisi dini tu.” Gima rino jem nipmot ndrim ninyeng Efraim.

NITRITI 46:20

Lene Yusuf nitnem Asnat di nicig ninyeng Potifera di nok imam ei Heliopolis yai nipmot bat cin di Manasye kin Efraim binoni ei minu Mesir.

NITRITI 48:17

Tirigi Yusuf ngat lo, nicig ba ninda com bitak kep Efraim nibou nggram him lene ningon kei bi. Gima rino kon nicig ninda com leu Efraim nibou nggram him bikes ei Manasye nibou nggram him bu.

NITRITI 48:18

Bisrep tut nicig bipai “Andigpoi e, nok bi. No dini ne mighumbou rin ba, akes anda com bijo ei nonti nibou nggram him.”

NITRITI 50:23

Niyaisi jo bibou noni ngat Efraim nipmot bat nya kin nignyon bat nya bou niyai him bingat Manasye nipmot Makhir nimunggwom bat nya cem bou niyai him bu bipingok ingonti dem kep nok nonti nimunggwom bat nya.

SAMUEL GI NICAN 2:9

Yuug ei sirima lene Abner kon Isyboset binok nibou ndig di ninyeng tak kep hanjop Gilead kin hanjop Asyuri kin hanjop Yizreel kin hanjop Efraim kin hanjop Benyamin nisurti-nipekti hagom. Ningat ne Isyboset ninyeng tak kep mben Israel titut yam.

NIBOHON MBEN ISRAEL GI NIGOM 2:23

Noro Gesur kin Aram ikiju tut ide limwa di inyeng tak kep yok nya ba, ibindei timek hanjop nsi ningot muhwindagom ei minu Gilead pima bitut mben Yair ide hanjop nsi nya kin Kenat de hanjop nsi nya kin minu mien-mien di gahai nya cem. Tungwatu nya yahagom di intun Gilead nicig Makhir him ibong ei minu dima.

YEHEZKIEL 47:13

tuhan Di Ninyeng Jei Bibor pai “Tirigi keret Israel simnaibrimican ikwas ide hanjop nsi tut yam lene keret Yusuf ide dihyei hanjop nsi can nok ide dihyei ninda rom.

YEHEZKIEL 48:4

Hanjop dip di pek kin Naftali de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Manasye de dihyei ninda rom ri.

MBEN ISRAEL IMBUT-MBUT NYEN 26:29

Yo di intun keret Manasye him tug hon nipmot Makhir kin nignyon Gilead nide bat nya him rino,

MBEN ISRAEL IMBUT-MBUT NYEN 27:1

Zelafehad yai nipmisop bat nya ibou muhwi di inyeng rino Mahla kin Noa kin Hogla kin Milka kin Tirza. Zelafehad nicig rino Hefer di nicig rino Gilead di nicig rino Makhir di nicig rino Manasye di nicig rino Yusuf.

MBEN ISRAEL IMBUT-MBUT NYEN 32:33

Leu api Musa kes Sihon di nibou ndig mben Amori de hanjop nsi kin Og di nibou ndig Basan de hanjop nsi bitut minu ndig nya kin dihyei di jo ttai nya titut yam bak keret Gad kin Ruben kin Manasye niken.

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”

YOSUA 17:2

Lene Yosua kwas dihyei hanjop nsi ei Minyei Yordan nite bei mpia nicutti tut keret Manasye ninsi de nya gom-gom di intun Manasye him di bram yam nindigsi nya. Yo di inok nibou mem keret Manasye ninsi de gom-gom dima yok inyeng rino Abiezer kin Helek kin Asriel kin Sekhem kin Hefer kin Semida ba, yahagom intun Yusuf nipmot Manasye him.

NIJAM NIKEI NYA 5:14

Yoni ikwei leu hanjop keret Efraim ndam mbang briep gom ba, ibit keret Benyamin de tentara di injei bram yam bibie yoho. Nibou pran nya ikwei leu Makhir lene yo di igya kui yok ikwei leu Zebulon.