YOSUA 16:8 - ALLAH NIHYET MEM TUNGWATU NYA

⁸ Keret Efraim ide minu niya kwas yamti nite bei mpia nicutti jo leu Tapuah kikau bipek kin minyei mien Kana lene bon nohon keti ei Muk Hacan nintig dip. Keret Efraim insi de gom-gom itug ndei dihyei hanjop nsi dini ba, inyeng tak kep,

YOSUA 16:8 ပူးပေါင်းရင်းမြစ်များ

SAMUEL GI NICAN 2:9

Yuug ei sirima lene Abner kon Isyboset binok nibou ndig di ninyeng tak kep hanjop Gilead kin hanjop Asyuri kin hanjop Yizreel kin hanjop Efraim kin hanjop Benyamin nisurti-nipekti hagom. Ningat ne Isyboset ninyeng tak kep mben Israel titut yam.

NIBOHON MBEN ISRAEL GI NIGOM 7:28

Hanjop nsi di itug ndei mem gima ibong niti rino leu Betel kikau bipek kin Naaran di jo nite bei mpia nipriti kin Gezer di jo bei mpia nicutti bitut minu mien ngot di jo ttai minu ndig dima yok cem. Ba, itug ndei minu ndig Sikhem kin Aya bitut minu mien ngot di gahai nya ei hanjop nsi dima cem.

YEHEZKIEL 48:5

Hanjop dip di pek kin Manasye de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Efraim de dihyei ninda rom ri.

MBEN ISRAEL IMBUT-MBUT NYEN 34:6

Lene Muk Hacan bon hanjop niya kwas yamti mem jide minu nite bei mpia nicutti.

YOSUA 16:9

bitut minu mien poi ei keret Manasye de dihyei hanjop nsi ri.

YOSUA 17:7

Keret Manasye de dihyei hanjop nsi nibresti bon minu niya kwas yamti di pek keret Asyer de dihyei hanjop nsi kikau bipek kin minu ndig Mikhmetat simin Sikhem ei nite bei mpia nipriti. Lene minu niya kwas yamti dima kiek ei sirima bijuk bei mpia nibiho kikau bipek kin mben En-Tapuah ide hanjop.