YOSUA 15:8 - ALLAH NIHYET MEM TUNGWATU NYA

⁸ Lene minu niya kwas yamti dima mbut kak Mbang Briep Hinom ba, sir mbigdip gom nibiho di birok kik mben Yebus ide minu ndig di Yerusalem. Lene jo leu sirima ndam mbigdip dima ninggram him ei Mbang Briep Hinom nite bei mpia nicutti hammi Mbang Briep Refaim nohon keti bei mpia nijjai.

YOSUA 15:8 ပူးပေါင်းရင်းမြစ်များ

YOSUA 18:16

Leu api juk bipek kin nungug kiou di jo bikik Mbang Briep Hinom sur Mbang Briep Refaim nohon keti nite bei mpia nijjai ngig-ngat. Gima leu lene minu niya kwas yamti dima juk bei mpia nibiho bikak Mbang Briep Hinom bikriau mben Yebus ide minu ndig ei pimbien bou pima kikau bipek kin En-Rogel.

YOSUA 15:63

Bitut keret Yehuda ide minu ndig Yerusalem cem noro bit bon igijji mben Yebus di ibong ei sirima leu itimieisi dima kan bi. Ba, mben Yebus no ibong timiei ei sirima bit keret Yehuda kwei bipek ammani kep.

NIJAM NIKEI NYA 19:10

Noro no dima kou sut gi bong hanyen bu ei sirima. Noni kin nitnem mien ikiju lene ibri bigwam ei ide keledai cin dip bimbut ba, awak dima cem bit yok. Tirigi mpia mmun ser yok tu lene yuug krau minu ndig Yebus (Yebus dima ne minu ndig Yerusalem ri). Leu api awak dima pai bak nide andigpoi “Andigpoi e, jikwei ba, igwam ei sirini bibong bit mben Yebus hak ug.”

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIJAM NIKEI NYA 1:21

Noro bit bon tentara keret Benyamin ijji timiei Yebus leu minu ndig Yerusalem kan bi. Gima rino timiei Yebus nya ibong timiei ei sirima bit keret Benyamin.

YEREMIA 19:14

Lene dijo leu Tofet mpia di tuhan cuk da biditri tut nihyet ei pima. Duug ei mpia di jo bas hak ei tuhan De Ig bidiya diyati leu api dipai bak tungwatu nya yahagom,

YEREMIA 19:6

Gima rino ei nidipti bu ne tungwatu nya mijem mpia dini ninyeng Tofet kin Mbang Briep Hinom bu bi noro mijem ninyeng Mbang Briep Nibui Mikwau.

YEREMIA 19:2

dibie tut yok kak Dimbou Pmem Den Sra ug ei Mbang Briep Hinom. Noni pai bida bipia ditri tut nihyet di Noni pai bida.

YESAYA 17:5

Minu Israel midem kep miai ei minu ndig Refaim di ikos gandum bingwig leu di niken di jo poi mien he.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

SAMUEL GI NICAN 5:22

Lene tentara Filistin induk yam kwei ei Mbang Briep Refaim hanyen bu bibong ei sirima.

SAMUEL GI NICAN 5:18

Tentara Filistin ikwei krau Mbang Briep Refaim bibong ei sirima.

NIJAM NIKEI NYA 1:8

Mpe dima lene tentara keret Yehuda icut igkep minu ndig Yerusalem ba, ihwen timiei minu dima leu api igyai bigyati. Lene ibindig minu ndig dima ba, ibiyai nimai bak limwa minu ndig Yerusalem nya cem.

NIBOHON MBEN ISRAEL GI NIGOM 11:4

Mpe di gom ne Nibou Ndig Daud ya tut tentara Israel yahagom ba, yuug hwen minu ndig Yerusalem. Mpe dima lene ijem minu ndig Yerusalem ninyeng minu ndig Yebus. Timiei ngat di ibong ei minu ndig dima rino mben Yebus.