YOSUA 15:7 - ALLAH NIHYET MEM TUNGWATU NYA

⁷ Minu niya kwas yamti dima mbut kikau bipek kin Mbang Briep Nuum Ningon Buhun kikau bipek kin Debir leu api kriek bu bei nijjai ndam Gilgal di birok kik Nitinggoisi Adumim ei briep bou him dima nibiho lene jo leu sirima ug bipek kin minyei yaisi ei En-Semes kikau bipek kin En-Rogel.

YOSUA 15:7 ပူးပေါင်းရင်းမြစ်များ

SAMUEL GI NICAN 17:17

Mpe dima lene Yonatan di Abyatar nipmot kin Ahimaas di Zadok nipmot iku yok nyahan ei minyei bousi di En-Rogel di jo minu ndig Yerusalem nitta lewo ibrim ingkek mem gima icoi kwei ei minu ndig dima bi leu binhyepo hi ngat yok bi. Lene sop awak gom kwei cem kep yok bikwop nituti hagom leu binhyepo mbot kep tut mun di pek kep ei minu ndig dima biyok leu api yoni yuug tri tut hanyen bak Nibou Ndig Daud.

NIBOU NDIG NYA GI NIGOM 1:9

Njap poi ser lene Adonia bon midut bibui domba kin sapi nikre kin sapi pmot di nehen pap nya bindig kep hum ei mpia ttou nsi gom di ninyeng Tig Wou dideu minyei bousi En-Rogel. Lene noni nduk Nibou Ndig Daud nipmot bat nindigsi nya kin nibou Yehuda nya di igya kui nibou ndig yahagom kwei ba, ibon midut bit noni.

YESAYA 65:10

Yoni mikuk yok biDa ba, domba di ide nya kin sapi di ide nya migya kep minta nghousi bitat ei Briep Bou Him Saron kin Mbang Briep Akhor.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

YOSUA 10:43

Gima leu lene Yosua ngkwei sut nide tentara nya hanyen ug ei prak meng yati ei Gilgal.

YOSUA 15:15

Lene noni jo leu sirima ba, ug bindei timek timiei minu ndig Debir cem. (Nipou yo lene ijem minu ndig dini ninyeng Kiryat-Sefer.)

YOSUA 15:6

ug ei nite bei mpia nicutti kikau bipek kin Bet-Hogla leu api sir mboi di birok kik Mbang Briep Yordan nijjai. Minu niya kwas yamti bei nijjai dima kui leu sirima kikau ba, nite bei mpia nijjai ug bipek kin Tig Bohan. Tig dima ne tig nibiyok ngon kep Bohan di Ruben nipmot gom ri.

YOSUA 18:17

Lene minu niya kwas yamti krop no nyahan buug nite bei mpia nijjai bipek kin En-Semes ba, kikau bipek kin Gelilot di birok kik Nitinggoisi Adumim leu api juk bipek kin Tig Bohan (Bohan ne Ruben nipmot gom ri).

YOSUA 4:19

Lene mben Israel isigon Yordan mem njap gi nisimnai ei bed gi nigom leu api yohok ide prak meng nya ei Gilgal dideu minu ndig Yerikho nite bei mpia nipriti.

YOSUA 7:24

Lene Yosua ya tut limwa Israel yahagom bikat Akhan lene ikri noni ug ei Mbang Briep Nuum Ningon Buhun bitut nimunggwom bat nya yahagom kin nide sapi nya kin keledai nya kin domba nya kin nide prak meng titut yam kin mun di nyeng tut nya hagom kin mitiei perak kin sinsun ndok di jei kin mas di nggimang pima.

YOSUA 7:26

Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.