YOSUA 15:47 - ALLAH NIHYET MEM TUNGWATU NYA

⁴⁷ Bitut minu ndig Asdod kin minu ndig di jo ttai nya kin minu ndig Gaza kin minu ndig nya ei bidem hanjop dima kikau bipek kin minyei mien di bikkin minu Mesir cem. Bitut minu ndig nya ei les him simiak Muk Hacan nintig dip cem.

YOSUA 15:47 ပူးပေါင်းရင်းမြစ်များ

NIBOU NDIG NYA GI NIGOM 5:4

Noro tini bu ne nide tuhan Allah bindei ba, nyeni ningon kwes kin mben dima yok yahagom tu. Dibon ditde siceu nya bu bi. Gima rino yo di ihwen kep nye hi bu bi.

NIBOU NDIG NYA GI NICAN 18:8

Noni bindei timek mben Filistin nya leu lene coi ug ei ide minu mien nya kikau ug bipek kin minu ndig nya bitut Gaza kin hanjop di jo ttai nya cem lene cat ide ndigban di joti nya hagom bingwig.

NIBOHON MBEN ISRAEL GI NICAN 26:6

Uzia kon pran bit mben Filistin binggek ngug tig di bicuon minu ndig Gat kin Yabne kin Asdod. Leu api noni ngot nide minu ndig di ngug tig jo ser nya dideu Asdod kin minu ndig nindigsi nya ei minu Filistin.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

YEREMIA 47:1

Nipou tirigi nibou ndig minu Mesir njei bihwen Gaza bigyo lene tuhan mbrap bit da tut minu Filistin.

YEREMIA 47:5

Ningon ngguk biborti cut igkep timiei Gaza nya. Timiei Askelon nya igwam bibbwe ei yamti. Mben Filistin di niken-ken nya ingon ngguk kikau bipek apig bu i?

ZEFANYA 2:4

Timiei minu ndig Gaza hi di ningwes ngun bi. Hi mibong kep minu ndig Askelon bi lewo minu ndig dima dem kep ha he bong. Siceu mijji timiei minu ndig Asdod nya mem mpia ngket nggimau tug hon nihwen yok krosti leu api icuk timiei minu ndig Ekron nya ikiju bimbut hak leu minu ndig di ide bijo hak ei.

KISAH 8:26

Lo bi lene Tuhan de malaikati gom pai bak Filipus “Akiju! Aug ei bei mpia nibiho ba, akak puig di jo leu minu ndig Yerusalem bibie ug ei minu ndig Gaza ei iggum ndigsi.”

NINDAT KEP TUHAN NICUKTI NYA 2:23

Lene timiei Mios Kreta cem ikwei brim minu di jo sir Muk Hacan nintig dip hagom. Yoni ibindei sar mben Awi di ibong timiei ei minu dima yahagom. Leu api igyai minu ndig dima ba, igyati kikau bipek kin minu ndig Gaza nite bei mpia nibiho.)

YOSUA 11:22

Mben Enak ibou poi he rino inang di ingwes ngun ug ei minu ndig Gaza kin Gad kin Asdod. Noro igisindui sut yo di intun Enak him ba, tungwagom ngat niyai mohousi jo ei minu di mben Israel ibindei timek leu bigyai bigyati nya bi sren.

YOSUA 15:4

bijo leu sirima kikau kwei ei Azmon. Leu api mbut sir minyei pmot di jo minu niya kwas yamti mem minu Mesir. Leu api mbut kikau bibon nohon keti ei Muk Hacan nipimat. Minu niya kwas yamti di mbut ei hanjop nsi dima nibiho bikkin keret Yehuda ide dihyei hanjop nsi kin Israel ide minu titut yam nohon keti cem.

YOSUA 15:46

Bitut minu ndig nya kin minu mien nya hagom dideu Asdod. Minu ndig kin minu mien dini yok jo ei Ekron kin Muk Hacan ikieti.

YOSUA 15:48

Bitut minu ndig simnaibrimigom kin minu mien di jo ttai nya hagom ei nungug him. Ba, minu ndig dini yok rino Samir kin Yatir kin Sokho kin Dana kin Kiryat-Sana (di bon ninyeng hi Debir) kin Anab kin Estemoa kin Anim kin Gosyen kin Holon kin Gilo hagom.