YOSUA 15:4 - ALLAH NIHYET MEM TUNGWATU NYA

⁴ bijo leu sirima kikau kwei ei Azmon. Leu api mbut sir minyei pmot di jo minu niya kwas yamti mem minu Mesir. Leu api mbut kikau bibon nohon keti ei Muk Hacan nipimat. Minu niya kwas yamti di mbut ei hanjop nsi dima nibiho bikkin keret Yehuda ide dihyei hanjop nsi kin Israel ide minu titut yam nohon keti cem.

YOSUA 15:4 ပူးပေါင်းရင်းမြစ်များ

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NIBOU NDIG NYA GI NIGOM 8:65

Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

YESAYA 27:12

Mpe dima lene tuhan minduk Nide limwa nya gom-gom sindam kwei leu Minyei Efrat nyai kikau buug bipek kin minu Mesir de minu niya kwas yamti ba, ibicom yam. Noni mikwas yok noyam kin gi tungwatu ikwas gandum ninjep leu nisina bai pimo.

MBEN ISRAEL IMBUT-MBUT NYEN 34:5

Ei sirima lene bikwam ug ei mbang briep di bikkin minu Mesir lene bikwam kikau ug ei Muk Hacan bibon nipekti ei sirima.

YOSUA 15:3

kikau ug ei nite bei mpia nicutti bikrop nyahan nite bei mpia nibiho sir Nitinggoisi Akrabim kikau bipek kin Zin. Lene bikrop nyahan hanyen bu bimbut Kades-Barnea nibiho binjiriek Hezron bikui kwei ei Adar. Leu api krop nyahan ndam Karka,

YOSUA 15:47

Bitut minu ndig Asdod kin minu ndig di jo ttai nya kin minu ndig Gaza kin minu ndig nya ei bidem hanjop dima kikau bipek kin minyei mien di bikkin minu Mesir cem. Bitut minu ndig nya ei les him simiak Muk Hacan nintig dip cem.