YOSUA 14:15 - ALLAH NIHYET MEM TUNGWATU NYA

¹⁵ Nipou yo lene ijem minu ndig Hebron ninyeng Arba. (Arba ne no di anjan ba, ninyeng jei bibor dor njiriek mben Enak nindigsi nya ri.) Mpe dima lene mpia mbum-bra ei minu dima nisurti-nipekti apino mben Israel ibong kei igwam kei lewo nikon-kon nyen pranti bindin yok bu bi.

YOSUA 14:15 ပူးပေါင်းရင်းမြစ်များ

YOSUA 11:23

Yosua nya ibindei timek minu dima hagom titut yam lene igyai bigyati dem igbit tuhan nicukti po kes bak Musa pima. Leu api noni yai minu ndig dima bak mben Israel binok ide minu ndig nya. Leu api ikwas minu ndig dima tut yam sindam ba, bikwop keret gom-gom itug ndei dihyei hanjop nsi gom-gom bidem yok. Mpe dima lene mpia mbum-bra. Gima rino mben Israel ibong kei igwam kei lene ikes hon ba, ikon pran bi.

NITRITI 23:2

Leu api nide njap ngwig hon ei Hebron ei minu Kanaan apino Abraham ningon ngguk tut bipim kep.

NIJAM NIKEI NYA 3:11

Apino mben Israel ibong kei igwam kei ei minu dima mem nijam ari bingwam ningot bitai. Leu api Otniel mai ei niabiati.

YOSUA 15:13

Lene Yosua kwas keret Yehuda ide dihyei hanjop nsi nite ndia hi tut Kaleb di Yefune nipmot di nimbier kim keret Yehuda dem igbit tuhan nicuk Yosuati. Kaleb tug ndei minu ndig Hebron ba, minu ndig dima ne Arba di Enak nicig de ri.

NIJAM NIKEI NYA 8:28

Lo bi lene bit bon mben Midian ikon pran bu kan bi lewo yahagom icut bak mben Israel tu. Gima rino mben Israel ibong kei igwam kei ei ide minu kikau mem ari bingwam ningot bitai bibou Gideon mai leu ug e.

NIJAM NIKEI NYA 5:31

tuhan e, dingat nadi leu binhyepo Ade siceu nya yahagom itug ndei nimai noyam kin Sisera. Dingat nadi leu binhyepo asut bat nya yahagom igyai inyeng jei ba, sieng-siau kei dem kep nok mpia njap nipriti! Gima hagom ngwig lene mben Israel ibong kei igwam kei kikau mem ari bingwam ningot bitai bu.

NIJAM NIKEI NYA 3:30

Njap dima lene Moab cut bak mben Israel apino mben Israel ibong kei igwam kei kikau mem nijam ari bingwam ningot muhwindaningai.

NITRITI 35:27

Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)

NITRITI 37:14

Lene nicig pai bu “Ma aug bisis ser yok gino ingat rin kin gi kei ba, domba nya kin kambir nya cem hagom nok gi kei e? Leu api akwei hanyen ba, apai igbit bida.” Lene nicig cuk noni buug leu api noni jo leu mbang briep Hebron dima. Jei bi lene noni kwei krau Sikhem,

YOSUA 14:14

Minu ndig Hebron dima ne yo di intun Yefune di nimbier kim Kenas ninsi de dima nipmot Kaleb ide minu ndig di itug ndei di bijo kikau kwei bipek ammani kep ri. Lewo noni ba ningon di gom bibit tuhan Allah Israel nicuk noti.

NEHEMIA 11:25

Limwa nya imang bibor intek ba, ibong bidem minu ndig kin minu mien ngot di jo dideu ide dihyei di igyai miai eisi nya. Limwa Yehuda nya bihi ibong ei Bersyeba nite bei mpia nibiho kin Mbang Briep Hinom nite bei mpia nijjai ikieti. Yo dini ibong bidem minu ndig kin minu mien Kiryat-Arba kin Dibon kin Yekabzeel kin Yesua kin Molada kin Bet-Pelet kin Hazar-Sual kin Bersyeba kin Ziklag kin Mekhona kin En-Rimon kin Zora kin Yarmut kin Zanoah kin Adulam kin Azeka kin Lakhis.

NIJAM NIKEI NYA 1:20

Lene Kaleb tug ndei minu ndig Hebron bit leu nok Musa nicukti pinipou yo pima lewo nipou yo lene noni jji yo di intun Enak him ide bat nya nimpung ningai leu.

NIBOHON MBEN ISRAEL GI NIGOM 6:4

Eleazar de nintun him di bram yam nya bibit leu njap di isrekti rinok gini. Pinehas kin Abisua kin Buki kin Uzi kin Zerahya kin Merayot kin Amarya kin Ahitub kin Zadok kin Ahimaas kin Azarya kin Yohanan kin Azarya (di yai midyai ei tuhan De Ig di Nibou Ndig Salomo ngot ei minu ndig Yerusalem) kin Amarya kin Ahitub kin Zadok kin Salum kin Hilkia kin Azarya kin Seraya kin Yozadak.