YOSUA 14:12 - ALLAH NIHYET MEM TUNGWATU NYA

¹² Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

YOSUA 14:12 ပူးပေါင်းရင်းမြစ်များ

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

MAZMUR 60:12

Allah e, Angat rin bit nye bi e? Akiju ba, anjei bit nyende tentara nya bi e?

MBEN ISRAEL IMBUT-MBUT NYEN 13:28

Noro timiei minu dima isindem bibor lene ide minu nya nindig ba, sindem bibor cem ngug tig nindig krop bikrop ttai hagom. Gima he bi lewo ningat yo di intun yo di intig bou anjan nya him cem ei sirima.

MBEN ISRAEL IMBUT-MBUT NYEN 13:33

Ba, ningat yo di anjan nya di intun Enak him ei sirima. Gino nibinai nyenti kin yoni lene nikan bipia nyeni nimien nok hai nya he. Lene yoni ikan bipia nyeni cem ninok hai nya ri.”

MBEN ISRAEL IMBUT-MBUT NYEN 21:34

Lene tuhan pai bak Musa “Ma attin tut noni au. Midimpu nani lene midibindei ba, abindei timek noni kin nide tentara nya kin nide limwa nya ei minu dima hagom cem. Ma abibon noni noyam kin gi po abibon Nibou Ndig Sihon di ninyeng tak kep minu ndig Hesybon pima.”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

NINDAT KEP TUHAN NICUKTI NYA 1:28

Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’

NINDAT KEP TUHAN NICUKTI NYA 9:1

“Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.

NINDAT KEP TUHAN NICUKTI NYA 9:3

Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

IBRANI 11:33

Niba ningon comti bindei ba, yo dima ikon pran bit nibou ndig nya bitut tentara nya bibindei ba, nibou ndig nya icut biyok. Ide nikon pranti dima ne igbit rin lewo iba ingon com Allah De nipreu ei mem yokti. Gima cem itak kep ser singa nya yuhui ba,

YOSUA 15:14

Yo di intun Enak him ne Sesai kin Ahiman kin Talmai ide bat nya. Kaleb jji yo dima yahagom leu Hebron.

NIJAM NIKEI NYA 1:20

Lene Kaleb tug ndei minu ndig Hebron bit leu nok Musa nicukti pinipou yo pima lewo nipou yo lene noni jji yo di intun Enak him ide bat nya nimpung ningai leu.

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”