YOSUA 13:9 - ALLAH NIHYET MEM TUNGWATU NYA

⁹ Hanjop nsi dima ne minu niya kwas yamti ei Mbang Briep Minyei Arnon nyai lene bon nibresti kikau ug bipek kin minu niya kwas yamti nite bei mpia nijjai. Nibresti dini bikrop ttai minu ndig Aroer ei mbang pima nite dini kwei cem minu ndig Medeba kin Dibon bitut briep bou him ei nai ei minu ndig cin dima ikieti,

YOSUA 13:9 ပူးပေါင်းရင်းမြစ်များ

SAMUEL GI NICAN 24:5

Tirigi Yoab kin nide nibou nya isigon Minyei Yordan biyuug dihip ei nite hi lene yohok ide prak meng yati ei Aroer nite bei mpia nibiho. Aroer ne minu ndig gom di jo mbang briep dima ninggimau ei keret Gad de dihyei hanjop nsi ri. Ijo leu mpia dima bimbut ug ei nite bei mpia nijjai kikau ug ei Yaezer,

NEHEMIA 11:25

Limwa nya imang bibor intek ba, ibong bidem minu ndig kin minu mien ngot di jo dideu ide dihyei di igyai miai eisi nya. Limwa Yehuda nya bihi ibong ei Bersyeba nite bei mpia nibiho kin Mbang Briep Hinom nite bei mpia nijjai ikieti. Yo dini ibong bidem minu ndig kin minu mien Kiryat-Arba kin Dibon kin Yekabzeel kin Yesua kin Molada kin Bet-Pelet kin Hazar-Sual kin Bersyeba kin Ziklag kin Mekhona kin En-Rimon kin Zora kin Yarmut kin Zanoah kin Adulam kin Azeka kin Lakhis.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YEREMIA 48:18

Je di timiei minu ndig Dibon e, ma joom je leu jide mpia di yai ninyeng jei ba, jigwam ei dihyeisi kin atriemti. Lewo no di nggek ade minu Moab kwei krau su ba, noni mibindei timek jide tentara nibousi nya hagom ri.

YEREMIA 48:22

kin Dibon kin Nebo kin Bet-Diblataim,

YEREMIA 48:8

Minu ndig hagom timek lene hi di jo cem bi. Mbang briep nya kin briep bou him nya cem sar. Da di tuhan disimbot dat tu.

MBEN ISRAEL IMBUT-MBUT NYEN 21:30

Noro tini bu ne ide nintun him yamti di bram yam nya yahagom isar bingwig kak puig leu Hesybon kikau bipek kin minu mien Dibon dideu minu ndig Nasyim kikau ug bipek kin minu ndig Nofah di dideu minu ndig Medeba cem.”

NINDAT KEP TUHAN NICUKTI NYA 2:36

Nyeni igyai yo dima ide minu ndig nya hagom bigyati tug hon ide tuhan Allah di sindem tut nye. Ikinyon ei niyai minu ndig Aroer ei Mbang Briep Arnon ninghas him kin minu ndig di jo hacan ei briep dima kikau ug bipek kin minu ndig Gilead bigyati. Minu ndig hi bon ngug tig ngkiem bibor di bikrop ttai ser nyeni bi.

NINDAT KEP TUHAN NICUKTI NYA 3:12

“Tirigi nyeni ibrim minu dima ba, nok ide tu lene dikwas dihyei di jo bei Aroer nijjai nite bei mpia nijjai dideu Minyei Arnon nyai kin nungug him ei Gilead nite hi bitut minu ndig nya di jo niti hagom tut keret Ruben kin keret Gad.

NINDAT KEP TUHAN NICUKTI NYA 3:16

Lene dikwas dihyei ei Gilead kin Minyei Arnon nyai ikieti tut keret Ruben kin keret Gad. Minyei nibiamti dima nikieti bikkin nok ide hanjop nohon keti nite bei mpia nibiho. Lene Minyei Yabok nyai bikkin nok ide hanjop nohon keti nite bei mpia nijjai lo, minyei dima nite hi ne hanjop di bikkin mben Amon ide minu ri.

YOSUA 12:2

Nibou ndig gom di Sihon ne nibou ndig di ninyeng tak kep ei Hesybon ri. Minu ndig di ninyeng tak kep ne minu ndig Gilead nite hi ri. Minu dima bon minu niya kwas yamti ei Aroer (ei Mbang Briep Arnon nite hi) kin minu ndig ei mbang briep dima nahacan ngat a. Nitingti ug ninno bipek kin Minyei Yabok nyai di nok mben Amon ide minu niya kwas yamti.

YOSUA 13:10

kin minu ndig di nipou yo Sihon di nibou ndig mben Amori di bong ei Hesybon ninyeng tak kepti nya hagom cem ba, minu ndig dini jo simin mben Amon ide minu niya kwas yamti.

YOSUA 13:16

Ide hanjop nsi ne minu niya kwas yamti ei nite bei mpia nibiho ei minu ndig gom ei Mbang Briep Minyei Arnon nyai nahacanti bitut minu ndig Aroer ei mbang briep dima nite dini kwei lene nibresti nite bei mpia nijjai bikrop ttai briep bou him di jo ttai minu ndig Medeba.

YOSUA 13:8

Keret Ruben kin Gad kin Manasye nite hi itug ndei dihyei hanjop nsi leu Musa di tuhan de awak tu. Ba, dihyei dima jo ei Minyei Yordan nite bei mpia nipriti.