YOSUA 13:31 - ALLAH NIHYET MEM TUNGWATU NYA

³¹ Dihyei hanjop nsi dini bikrop ttai minu ndig Gilead nite hi cem bitut nibou ndig Og de minu ndig pmem cin di Asytarot kin Edrei ei minu Basan. Musa kwas dihyei hanjop nsi dima hagom titut yam tut keret Manasye nite hi insi de gom-gom di intun keret Manasye nipmot Makhir him.

YOSUA 13:31 ပူးပေါင်းရင်းမြစ်များ

NIBOHON MBEN ISRAEL GI NIGOM 6:71

Nimpung ig bei nsi di Gerson ninsi de nya itug ndei minu mien nya bitut minta nidum bres bibor di jo ttai nya cem. Minu mien di itug ndei ei hanjop nsi di Manasye de ei Minyei Yordan nite bei mpia nipriti rino Golan ei minu Basan kin Asytarot,

MAZMUR 60:7

Aba Ade nisindemti biteu nye biningwes ngun ba, abuhup nyende nadi cem leu binhyepo yo di angon ngakei yok nya ingwes ngun.

YEHEZKIEL 48:4

Hanjop dip di pek kin Naftali de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Manasye de dihyei ninda rom ri.

YOSUA 12:4

Nibou ndig hiter bu po mben Israel ibindei timek pima ne Nibou Ndig Og ei minu Basan. Minu ndig Asytarot kin Edrei ne nibousi mem Og ninyeng tak kepti ri. Nongkom ngat di niyai mohousi jo leu mben Refaim ri.

YOSUA 13:32

Tug hon nisinati dima ne Musa kwas dihyei hanjop nsi di birok kik minu ndig Yerikho ei Minyei Yordan nite bei mpia nipriti tut yok tirigi po noni ningat rin ei Briep Bou Him Moab pima.

YOSUA 17:5

Gima rino pinai nya di intun keret Manasye him he rino itug ndei dihyei hanjop nsi bi. Noro sop di intun keret Manasye him cem. Apino keret Manasye itug ndei dihyei hanjop nsi simnai. Ba, gima ter leu dihyei Gilead kin minu Basan ei Minyei Yordan nite bei mpia nipriti. Gima rino Yosua nya ikwas dihyei Gilead tut keret Manasye ide nintun him yamti di bram yam nya di ibong nite bei mpia nicutti.

YOSUA 9:10

bitut mun di Noni bibon bak nibou ndig mben Amori cin di ibong ei Yordan nite bei mpia nipriti cem tu. Yo dima ne nibou ndig cin di Sihon di nok nibou ndig Hesybon kin Og di nok nibou ndig minu Basan di bong ei minu ndig Asytarot ri.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 5:17

Keret Gad ikuk yonti bigwam ei Minyei Yordan nite bei mpia nipriti. Keret Dan ikuk yonti bigwam ei ide kibar minyeisi nya. Keret Asyer ikuk yonti bigwam ei muk nintig dip.

SAMUEL GI NIGOM 12:10

Lo bi lene jidigup bat-jidigai bat nya yahara tuhan bu bipai ‘tuhan e, nibon sisar ba, ningkek ndok tut Na leu api nikuk nye bak kwar Baal kin Asytoret tu. Ma ateu nye biningwes ngun leu nyende siceu nya apino minikuk nye biNani bu!’

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”