YOSUA 12:1 - ALLAH NIHYET MEM TUNGWATU NYA

¹ Nipou Musa mai bigyo lene mben Israel ibindei timek nibou ndig ibou can di ide minu ndig nya jo Minyei Yordan nite bei mpia nipriti lene igya minu di ide nya bigyati tu. Minu di ibindei timek leu di igyai di igyati dima rino Mbang Briep Arnon lene kui bikak Mbang Briep Yordan kikau ba, nitingti ug ninno bipek kin Nungug Hermon nijjai.

YOSUA 12:1 ပူးပေါင်းရင်းမြစ်များ

MAZMUR 133:3

Ba, dem kep nggou di tinim kwei leu Nungug Hermon ba, biyam ug ei nungug tou Sion. tuhan bindei juk Nide mun di kei kwei leu Sion ba, gima ne niyaijo nijep di jo kikau ri.

MAZMUR 136:21

Noni kes ide dihyei ngwa dip bak Nide limwa mben Israel bigyati. Nide ningon ngakeisi jo ninghig-niker.

MAZMUR 89:12

Anyeng tak kep mpia-bbed him kin dihyeisi dini lewo apai tes hacem bitut mun di joti nya cem.

YESAYA 16:2

Igwam bimem kep ser ei Minyei Arnon nipimat ba, iba ingon di tai-tai bou biya-ya nyen ba, idem kep ha di yuhuk leu naham pimo.

MBEN ISRAEL IMBUT-MBUT NYEN 21:13

Lene ikiju bimbut leu mbang briep dima biyuug hok ide prak meng nya hanyen bu ei Minyei Arnon nite dinyo ei iggum ndigsi di ug ninno bipek kin mben Amori ide minu. Minyei Arnon nyai ne hanjop di bikkin mben Moab kin mben Amori ide minu nya ri.

MBEN ISRAEL IMBUT-MBUT NYEN 21:21

Leu api mben Israel isok ighyet bak Sihon di nibou ndig mben Amori bipai binoni,

MBEN ISRAEL IMBUT-MBUT NYEN 21:24

Noro mben Israel ibindei timek tentara Amori imang bibor leu api ipos siceu ide minu ba, igyai bigyati. Ba, igyai bigyati leu Minyei Arnon nyai kikau ug nite bei mpia nijjai bipek kin Minyei Yabok nyai di bikkin mben Amon ide minu. Noro injiriek minyei dima bi lewo mben Amon igya ser hanjop dip dima bingkiem bibor.

MBEN ISRAEL IMBUT-MBUT NYEN 32:19

Miniyai dihyei hanjop nsi poi mien bit yok ei Minyei Yordan nite dima ug bi lewo nima nyende dihyei nok mun di ninda rom nya ei Minyei Yordan nite bei mpia nipriti tu.”

MBEN ISRAEL IMBUT-MBUT NYEN 32:32

Minisigon Minyei Yordan ba, nuug dihip ei minu Kanaan lene tuhan mibie tut nye leu binhyepo nikon pran. Tug hon nisinati dima lene nyeni ninyeng mitak kep dihyei di jo Minyei Yordan nite bei mpia nipriti dini kikau.”

MBEN ISRAEL IMBUT-MBUT NYEN 32:33

Leu api Musa kes Sihon di nibou ndig mben Amori de hanjop nsi kin Og di nibou ndig Basan de hanjop nsi bitut minu ndig nya kin dihyei di jo ttai nya titut yam bak keret Gad kin Ruben kin Manasye niken.

NINDAT KEP TUHAN NICUKTI NYA 2:24

“Gima leu lene nyeni imbut kak puig ug ei minu Moab leu api tuhan pai binye ‘Nogindini juug sigon Minyei Arnon ba, juug dihip ei nite dima ug. Midikes Sihon di nok nibou ndig mben Amori di ninyeng tak kep ei Hesybon kin nide minu ei jinda nsi. Ma jinjei siceu ba, jihwen noni leu api jibrim nide minu bijiyati.

NINDAT KEP TUHAN NICUKTI NYA 2:32

Lene Sihon ya tut nide tentara nya yahagom ba, ikon pran bit nye dideu minu ndig Yahas.

NINDAT KEP TUHAN NICUKTI NYA 3:1

“Leu api nyeni injei hanyen ug ei nite bei mpia nijjai biyuug krau minu Basan. Lene Og di nibou ndig Basan kiju tut nide tentara yahagom bipi bikon pran bit nye dideu minu mien Edrei.

NINDAT KEP TUHAN NICUKTI NYA 4:44

Leu api Musa yai Allah niggai serti kin nidimig sutti nya bak mben Israel.

NINDAT KEP TUHAN NICUKTI NYA 4:48

Dihyei dima nohon keti jo ei minu ndig Aroer ei Minyei Arnon nyai kikau nite bei mpia nijjai ug ei Nungug Siryon di bon ninyeng hi Nungug Hermon cem,

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 11:17

Minu dima nibresti jo bei mpia nibiho ei Nungug Gundul di dideu minu Edom kikau ug ei nite bei mpia nijjai bipek kin Baal-Gad ei Mbang Briep Libanon ei Nungug Hermon nibiho. Yosua nya ikon pran bijo ninno bit nibou ndig nya ei minu dima. Noro ikat yok ba, igyai nimai bak yahagom.

YOSUA 11:3

Lene noni sok nihyet bak nibou ndig mben Kanaan di ibong ei Minyei Yordan nite bei mpia nicutti kin nite bei mpia nipriti cem bak nibou ndig mben Amori kin mben Het kin mben Feris kin mben Yebus ei nungug him kin nibou ndig mben Hewi ei Mizpa di jo ei Nungug Hermon nikiou.

YOSUA 13:8

Keret Ruben kin Gad kin Manasye nite hi itug ndei dihyei hanjop nsi leu Musa di tuhan de awak tu. Ba, dihyei dima jo ei Minyei Yordan nite bei mpia nipriti.

YOSUA 22:4

Apino tuhan yai bipek kep nipreu kepti ba, jide bat mben Israel nindigsi nya ibong kei igwam kei tu. Gima rino njap dem mem gima jingkwei hanyen ug ei jide hanjop di jinyeng tak kep ei Minyei Yordan nite dima ug po Musa kwas tut je nipou su pima hak ug.

NIJAM NIKEI NYA 11:18

Leu api ibinut nimbut bu ba, ikes yok kak iggum ndigsi lo, imbut bijiriek minu Edom kin Moab bi. Noro imbut ba, isir kikau biyuug krau minu Moab nite bei mpia nipriti ei Minyei Arnon nite dima ug. Lene yohok ide prak meng yati ei sirima noro igisigon minyei Arnon biyuug dihip ei nite dima ug bi. Lewo minyei dima ne minu niya kwas yamti mem minu Moab ninyeng tak kepti ri.