YOSUA 11:6 - ALLAH NIHYET MEM TUNGWATU NYA

⁶ Lene tuhan pai bak Yosua “Ma attin tut yoni au. Lewo njap di hyep mporo ug cut nituti di noyam kin nituti dini lene midiyai nimai bak yoni yahagom drek dip je di Israel ug ri. Tirigi pran tun tu lene suar jikos kuda di ide nya imig nggiluk leu lene ma jindig kroba pran di ide nya hagom ningwig hak.”

YOSUA 11:6 ပူးပေါင်းရင်းမြစ်များ

SAMUEL GI NICAN 8:4

Mpe dima lene Daud kat tentara di iba kuda di ibikon pran kan nya ibou sribu gom sratus muhwindacan kin tentara di imbut imig ibou sribu nyatungwagom cem. Leu api Daud cuk nide tentara nya ba, ikos kuda dima yok imig kien ninggiluk noro sindui sut kuda poi di nimangti dem mem gima ikri kroba pran ningat sratus gom bigya.

NIBOU NDIG NYA GI NICAN 6:16

Lene Elisa buhup bak “Dwai! Attin tut au! Tentara di igya tut nye imang ndig dor njiriek tentara Siria dima yok.”

NIBOHON MBEN ISRAEL GI NICAN 20:16

Njap di hyep bu tirigi yoni ikui kak puig di kui ug ei nitinggoisi Zis lene ma jihwen yok. Mijitau kep yam ba, jihwen yam ei briep nohon keti gom ei iggum ndigsi niyenti dideu iggum ndigsi Yeruel.

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

YESAYA 30:16

Leu api jiba jingon com jingon kanti nok gino jibri kuda di imbut sindem bibor leu binhyepo jingwes ngun leu jide siceu nya. Kei bibor! Ningat ne suar ma jinang! Jikan bipia jide kuda nya imbut sindem noro yo di yuhuk bram je mibri kuda di imbut sindem bibor dor njiriek jide bu.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YEHEZKIEL 39:9

Timiei minu ndig ngot ei minu Israel minduk yam binjei ba, imbus mun di ibipukep tibor ninggwenti kin singau simeda kin hampiap kin tibor kin tom nibui tungwatu nyati di siceu ide di imai leu nya hagom. Leu api icat gima yok hagom keyam nok biei di indig. Ba, biei dima dem mem indig kep hum kikau ei ari bingwam nitindur muhwindacan.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

NAHUM 2:13

tuhan Di Sindem Bibor pai “Ade nitok rino Dani. Midindig ade kroba pran nya hagom bingwig ei humti ba, ade tentara nya mimai nimbiam ei pranti. Midiyai mun di apos leu yo di hiter nya hagom leu na. Ahyet di buhun di asok ei ade nibou niya hacanti ntus hak ba, hi ngig nitingou mem bu bi.”

NINDAT KEP TUHAN NICUKTI NYA 7:16

Bikwop mben di tuhan di nok jide Allah kes ei jindati lene suar ma jihwen yahagom bingwig hak ug. Lene ma jingondut yok au. Ma jikuk je bak ide nung di yoni ikuk yok bak nya au. Leu gi nok lene mijitug ndei hukum nimai drek dip.

YOSUA 10:8

Lewo tuhan pai bak Yosua “Ma attin tut yok au. Dikos tut bipia yo dima yahagom micut bak jeni ug ri. Bit bon ade siceu hi ningwes ngun kan bi.”

YOSUA 11:5

Nibou ndig dima yok bitut ide tentara nya ibicom yam ba, yahagom injei kwei ei mpia tou nsi gom dideu Minyei Pmot Merom ba, itin ei mem ikon pran bit tentara Israel.

YOSUA 11:7

Lene Yosua ya tut nide tentara nya bihwen ide siceu nya kros dideu Minyei Merom.

YOSUA 11:9

Yosua bibon yok bit leu tuhan nicuk noti nipou su. Ba, ikos kuda di ide nya imig nggiluk leu lene indig kroba pran di ide nya cem.

YOSUA 3:5

Lene Yosua pai biyok “Ma jibindei ba, jingon kwes ba, jide puig kwes cem lewo tuhan mibon mun di mindur ei jikieti mem njap di hyep bu ug ri.”

NIJAM NIKEI NYA 7:9

Himmun dima lene tuhan cuk Gideon bipai “Ma nani kin ade tentara jikiju ba, jihwen mben Midian lewo midibindei ba, icut bak jeni ug ri.

SAMUEL GI NIGOM 11:9

Lene Saul nya ipai bak yo di ikwei leu Yabesh pima “Ma jipai bak mben Yabesh bipia njap di hyep nipou tirigi mpia huk pijum bigyo lene mijingwes ngun.” Tirigi yo dima ingkwei hanyen bitri tut nihyet dima bak mben Yabesh lene yahagom ingon nggan-triot kei.