YOSUA 11:23 - ALLAH NIHYET MEM TUNGWATU NYA

²³ Yosua nya ibindei timek minu dima hagom titut yam lene igyai bigyati dem igbit tuhan nicukti po kes bak Musa pima. Leu api noni yai minu ndig dima bak mben Israel binok ide minu ndig nya. Leu api ikwas minu ndig dima tut yam sindam ba, bikwop keret gom-gom itug ndei dihyei hanjop nsi gom-gom bidem yok. Mpe dima lene mpia mbum-bra. Gima rino mben Israel ibong kei igwam kei lene ikes hon ba, ikon pran bi.

YOSUA 11:23 ပူးပေါင်းရင်းမြစ်များ

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

YOSUA 23:1

Tirigi tuhan bindei ba, mben Israel ibong kei igwam kei wer mimbrek ngan tu ba, siceu nya ihwen bit yok bu bi lene mpe dima Yosua wer andig-ndau su.

YOSUA 22:4

Apino tuhan yai bipek kep nipreu kepti ba, jide bat mben Israel nindigsi nya ibong kei igwam kei tu. Gima rino njap dem mem gima jingkwei hanyen ug ei jide hanjop di jinyeng tak kep ei Minyei Yordan nite dima ug po Musa kwas tut je nipou su pima hak ug.

YOSUA 18:10

Leu api Yosua ko binggok tut leu binhyepo bikan tut tuhan ningon kanti mem yok leu api kwas dihyei hanjop nsi dima tut keret mben Israel gom-gom di itug ndei hi bigyo nya.

NINDAT KEP TUHAN NICUKTI NYA 25:19

Gima rino tirigi jide tuhan Allah yai minu dima bije bijingwes ngun leu jide siceu di ibong ttai je yahagom inda nsi lene suar jibindei sar mben Amalek dima yahagom imai bingwig leu binhyepo tungwatu nya igyok ngon kep yoni bu bi sren. Ma jibbwe ser dicuk jeti dini au.”

NINDAT KEP TUHAN NICUKTI NYA 1:38

Noro ma abindei Yosua di Nun nipmot di ya kui na ningon nddong ba, ngkiem cem. Noni mibie tut Israel leu api yoni mikieng kep minu dima bigyati.’

NEHEI LEUSI 34:11

Suar jibit niggai serti di diyai bije njap di ammani. Midijji mben Amori kin mben Kanaan kin mben Het kin mben Feris kin mben Hewi kin mben Yebus yahagom bingwig leu je sindam tirigi jicoi ug ei minu dima.

NEHEMIA 9:24

Yo di intun him yok nya ihwen mben Kanaan di ibong ei minu dima bingwig tug hon Ade nisindemti di sindem tut yok. Ayai nisindemti biyok leu binhyepo Ade limwa nya ibibon nibou ndig mben Kanaan bitut ide limwa nya yahagom bit leu ingon kanti.

YEHEZKIEL 45:8

Hanjop nsi dima nok nibou ndig de dihyei ninda rom. Tug hon nisinati dima ne noni mico kep Ditde limwa nya bu bi. Noni misindui sut ba, dihyei nindigsi jo hak mem mben Israel leu binhyepo ijem bou yok nok ide.

YOSUA 12:7

Nibou ndig di Yosua ya tut tentara Israel di ibindei timek yahagom nya di ibong ei hanjop Minyei Yordan nite bei mpia nicutti. Ba, hanjop dima leu Baal-Gad ei Mbang Briep Libanon kikau bipek kin Nungug Gundul nite bei mpia nibiho dideu minu Edom. Yosua kwas minu dima tut keret Israel nindigsi nya sindam binok ide bu.