YOSUA 11:16 - ALLAH NIHYET MEM TUNGWATU NYA

¹⁶ Yosua nya ibindei timek minu dima hagom leu api igyai bigyati. Minu di ibindei timek lene ibiyai bigyati dima ne nungug him nya kin nungug kiou nya nite bei mpia nijjai kikau ug ei nite bei mpia nibiho kin hanjop Gosyen bitut minu ndig di jo eisi nya hagom kin iggum ndigsi ei Gosyen nibiho kin Mbang Briep Yordan.

YOSUA 11:16 ပူးပေါင်းရင်းမြစ်များ

MAZMUR 105:44

Noni yai ngkiai nya ide minu bak Nide limwa nya apino igyai ide miai nya ba, ima bou yok nok ide dihyei ninda rom,

MAZMUR 78:55

Noni jji timiei nya di ibong ser minu dima leu itimieisi sindam ei Nide limwa nya yoho bei. Leu api kwas minu dima tut keret mben Israel nya apino ibong ser prak meng di siceu ide di imai leu nya.

YEHEZKIEL 17:23

di nok nungug di jo anai bibor ei minu Israel. Ninda dima mehei ei sirima bingat ningat cem. Leu api nok buom di kei bibor di ya ngkiem cem. Ha nyeng hagom mitot yaham ei niti biteu ei ninda behei cem.

YEHEZKIEL 36:8

Noro nungug Israel jen e, dipai bije bipia jide biei nya nuug mitug ninda-nda nya bingat ningat hanyen bu mem je di Ditde mben Israel. Jei bi ne mijingkwei hanyen ri.

NINDAT KEP TUHAN NICUKTI NYA 1:7

Ma jilet jide prak meng nya bijimbut ug ei mben Amori ide minu di bon nungug him kin minu di gahai dima kou cem. Nok Yordan nyai kin hampiati kin les him kin hanjop di jo bei mpia nibiho kin mukti di jo ndam Muk Hacan hagom. Ma jicoi ba, jiya bidem minu Kanaan kin Nungug Libanon kikau ug bipek minyei nindig Efrat.

YOSUA 10:40

Yosua bindei ba, timiei minu dima yahagom titut yam icut bak noni ba, ninyeng tak kep hagom bitut nibou ndig nya ei nungug him kin minu ndig ei ninda dip di srei nya nite bei mpia nipriti kin minu ndig ei nungug kiou nite bei mpia nicutti kin minu ndig ei iggum ndigsi nite bei mpia nibiho cem hagom. Yosua nya isindui sut tungwagom cem biniyaijo ei bi. Noro igyai nimai bak yahagom. Ba, gima bit leu tuhan Allah Israel nicukti ri.

YOSUA 10:41

Yosua bindei timek minu ndig Kades-Barnea nite bei mpia nibiho kikau bipek kin minu ndig Gaza ei les him bitut minu ndig nindigsi di jo ikieti hagom. Ba, gima ne bitut minu Gosyen titut yam kikau bipek kin Gibeon nite bei mpia nijjai.

YOSUA 11:15

tuhan yai nicukti nya hagom bak Nide awak di Musa nipou su lene Musa kes nicukti dima yok hagom bak Yosua. Leu api Yosua yai igbit nicukti dima hagom. Noni tunggwei sut gom cem bi.

YOSUA 11:2

kin nibou ndig nya ei nungug him nite bei mpia nijjai kin nibou ndig nya ei Mbang Briep Yordan ei Igpong Galilea nibiho kin nibou ndig nya ei nungug kiou kin nibou ndig nya ei les him dideu minu ndig Dor cem yahagom.

YOSUA 11:21

Ei nijam dima lene Yosua nya yuug ba, icok tut mben Enak di ibong ei nungug him. Mben Enak ne mben anjan bibor di ibong ei Hebron kin Debir kin Anab ba, ibong ei nungug him ei hanjop di keret Yehuda kin keret Israel nindigsi nya ide cem. Yosua nya igyai nimai bak yoni yahagom lene ibindei timek minu ndig di ide nya cem hagom.

YOSUA 12:8

Bitut nungug him kin nungug kiou nite bei mpia nicutti kin Mbang Briep Yordan bitut mboi nya kin nikiou nya kin cet titnon nya nite bei mpia nipriti kin iggum ndigsi nite bei mpia nibiho hagom sok yam ei minu dima. Nipou ne mben Het kin mben Amori kin mben Kanaan kin mben Feris kin mben Hewi kin mben Yebus yahagom ibong ei sirima.

YOSUA 9:1

Nibimbiti tut mben Israel di ibindei timek ide siceu nya tibim kikau ug ei nibou ndig di ingat rin ei Minyei Yordan nite bei mpia nicutti itingou nsi. Nibimbiti tibim bidem nungug him kin nungug nimig him kin les him ndam Muk Hacan nipimat kikau bipek kin Nungug Libanon nite bei mpia nijjai cem hagom. Yo dini ne nibou ndig mben Het kin nibou ndig mben Amori kin nibou ndig mben Kanaan kin nibou ndig mben Feris kin nibou ndig mben Hewi kin nibou ndig mben Yebus yahagom ri.