YOSUA 10:42 - ALLAH NIHYET MEM TUNGWATU NYA

⁴² Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

YOSUA 10:42 ပူးပေါင်းရင်းမြစ်များ

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 80:3

ma ando Nanti brei bak keret Efraim kin Benyamin kin Manasye. Ma ando Ade nisindemti binye ba, akwei teu nye leu nyende siceu nya.

NEHEI LEUSI 14:14

tuhan mibrim ningkek mem je. Noro ma jahagom jiya jiyati dima bijikimut juhuigya.”

NEHEI LEUSI 14:25

Lewo Noni bindei ba, igkrop kat ide kroba pran nimig apino bit bon imbut sindem kan bi. Gima rino mben Mesir isimbot dat bipai “tuhan ya tut mben Israel bikon pran bit nye. Jikwei ba, inang bihigom leu yok!”

YESAYA 43:4

Dingat dingwes ei jeti. Jibon jinyeng ei diyai him ba, dingon ngakei je cem. Gima rino ditri timiei ngkiai nya leu binhyepo dibiluei je bu ba, diba keret dihyeisi dini biluei jiyaisi.

NINDAT KEP TUHAN NICUKTI NYA 20:4

Lewo jide tuhan Allah minjei siceu bit je bisindem tut je leu binhyepo jibindei timek yok.’

YOSUA 10:14

Njap di mindur hi nok gima pek kep mem tungwatu nya nipou ba, niabiati cem bi sren. Lewo njap dima ne tuhan bit tungwatu dihyeisi dini ingon kanti ba, Noni tti kin tentara Israel bimpu yok.

YOSUA 10:43

Gima leu lene Yosua ngkwei sut nide tentara nya hanyen ug ei prak meng yati ei Gilgal.