YOSUA 10:41 - ALLAH NIHYET MEM TUNGWATU NYA

⁴¹ Yosua bindei timek minu ndig Kades-Barnea nite bei mpia nibiho kikau bipek kin minu ndig Gaza ei les him bitut minu ndig nindigsi di jo ikieti hagom. Ba, gima ne bitut minu Gosyen titut yam kikau bipek kin Gibeon nite bei mpia nijjai.

YOSUA 10:41 ပူးပေါင်းရင်းမြစ်များ

NITRITI 10:19

Apino ide hanjop nsi jo ei Sidon nite bei mpia nibiho kikau ug bipek kin Gerar kin Gaza kikau ug bipek kin Sodom kin Gomora kin Adma kin Zeboim ba, nohon keti jo dideu Lasa.

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

ZAKHARIA 9:5

Minu ndig Askelon kin Gaza nya ingat gima leu api ittin tut. Minu ndig Ekron cem ngat nicutti dima leu api ningon pus tut. Nibou ndig Gaza mipror lene tungwatu nya mibong ser minu ndig Askelon bu bi leu api mpia mbum-bra bram.

MBEN ISRAEL IMBUT-MBUT NYEN 13:26

ingat Musa kin Harun kin mben Israel yahagom tirigi ibong ei Kades di jo ei iggum ndigsi Paran pima. Lene yoni itri tut mun di ingat bou igyai him hagom leu api indo biei ngat di ibiang kwei nya biyok.

MBEN ISRAEL IMBUT-MBUT NYEN 32:8

Lewo jicig bat nya cem igyai nok gima mpe di ingat rin ei Kades-Barnea bidicuk yok mem gima igyok itta kep minu dima.

MBEN ISRAEL IMBUT-MBUT NYEN 34:4

lene bikwam ndam nite bei mpia nibiho kin nicutti ikieti ug bipek kin Puig Akrabim lene bikwam ndam iggum ndigsi Zin kikau ug bibon nuhuisi ei Kades-Barnea nite bei mpia nibiho. Leu sirima lene bikwam ndam nite bei mpia nicutti kin nijjai ikieti kikau ug bipek kin Hazar-Adar lene kikau ug bipek kin Azmon.

KISAH 8:26

Lo bi lene Tuhan de malaikati gom pai bak Filipus “Akiju! Aug ei bei mpia nibiho ba, akak puig di jo leu minu ndig Yerusalem bibie ug ei minu ndig Gaza ei iggum ndigsi.”

NINDAT KEP TUHAN NICUKTI NYA 1:19

“Leu api nyeni ikiju bimbut leu Nungug Sinai bit leu tuhan nicuk nyeti ba, ikes nye kak iggum ndigsi di nyan bibor di bon nikineisi nya cem ndam nungug him di mben Amori ide. Mpe di nyeni yuug krau Kades-Barnea,

NINDAT KEP TUHAN NICUKTI NYA 2:23

Lene timiei Mios Kreta cem ikwei brim minu di jo sir Muk Hacan nintig dip hagom. Yoni ibindei sar mben Awi di ibong timiei ei minu dima yahagom. Leu api igyai minu ndig dima ba, igyati kikau bipek kin minu ndig Gaza nite bei mpia nibiho.)

NINDAT KEP TUHAN NICUKTI NYA 9:23

Tirigi po Noni cuk je bipia ma jijo leu Kades-Barnea leu binhyepo jimbut bijicoi ug ei minu di Noni miyai bije pima lene jaham jimbuk kep Noni. Lene jiba jingon com Noni ba, jibit nihyet bi.

YOSUA 10:12

Gima rino tuhan bindei ba, tentara Israel ihwen tentara Amori bingwig mem njap dima. Lewo Yosua kiju biya ei tentara Israel yahagom yoho bei lene ngat nadi bak tuhan bipai, “Mpia njap e, ma ahuk pijum anai Gibeon lene ma acut au. Bed mmun e, ma acom ndei Ayalon nyai lene ma acutti au e.”

YOSUA 10:2

Gima rino noni kin nide limwa nya yahagom ittin nindig bibor tut mun di cut igkep mben Gibeon. Lewo Gibeon ne minu nindig bibor dem kep nok minu nindigsi di ibon ide nibou ndig nya ri. Ba, timiei Gibeon nya imang ndig dor njiriek timiei minu ndig Ai nya cem ba, ide pinjoi ndig nya yahagom ibrim ingkek bikon pran kan.

YOSUA 11:16

Yosua nya ibindei timek minu dima hagom leu api igyai bigyati. Minu di ibindei timek lene ibiyai bigyati dima ne nungug him nya kin nungug kiou nya nite bei mpia nijjai kikau ug ei nite bei mpia nibiho kin hanjop Gosyen bitut minu ndig di jo eisi nya hagom kin iggum ndigsi ei Gosyen nibiho kin Mbang Briep Yordan.

YOSUA 11:22

Mben Enak ibou poi he rino inang di ingwes ngun ug ei minu ndig Gaza kin Gad kin Asdod. Noro igisindui sut yo di intun Enak him ba, tungwagom ngat niyai mohousi jo ei minu di mben Israel ibindei timek leu bigyai bigyati nya bi sren.

NIJAM NIKEI NYA 16:1

Mpe di gom bu ne Simson ug ei minu ndig Gaza ei mben Filistin ide minu leu api um sop sundal gom bicut tut.

NIJAM NIKEI NYA 16:21

Lene mben Filistin ikat noni bitak niyai. Lene ibuwak noni ug ei Gaza leu api iba lante ngkimom-tembaga biteu nimig-ninda ei ide ig bui nsi. Ei sirima lene noni yai kep midyai gi sibui tig huk mbrei di nindig bibor.

SAMUEL GI NIGOM 6:17

Gima rino mben Filistin iba kwar ningkek dip dimaham di iba mas bibon mem tuhan bigo gau ide sisar. Ipinak kwar mas ningat gom bibikwop ide minu nyeng nya di Asdod kin Gaza kin Askelon kin Gat kin Ekron.