YOSUA 10:40 - ALLAH NIHYET MEM TUNGWATU NYA

⁴⁰ Yosua bindei ba, timiei minu dima yahagom titut yam icut bak noni ba, ninyeng tak kep hagom bitut nibou ndig nya ei nungug him kin minu ndig ei ninda dip di srei nya nite bei mpia nipriti kin minu ndig ei nungug kiou nite bei mpia nicutti kin minu ndig ei iggum ndigsi nite bei mpia nibiho cem hagom. Yosua nya isindui sut tungwagom cem biniyaijo ei bi. Noro igyai nimai bak yahagom. Ba, gima bit leu tuhan Allah Israel nicukti ri.

YOSUA 10:40 ပူးပေါင်းရင်းမြစ်များ

NIBOU NDIG NYA GI NIGOM 15:29

Haninyai tirigi Baesa kui bigwam nok nibou ndig lene noni yai nimai bak Yerobeam de ig bei nsi nya bitut nide bat nya yahagom. Gima dem igbit tuhan nikwai ceti di pai tug hon Nide awak di Nabi Ahia leu Silo nuhui him pima. Apino Baesa yai nimai bak yo di intun Yerobeam him yahagom ba, hi di ningwes ngun bi.

NEHEMIA 9:24

Yo di intun him yok nya ihwen mben Kanaan di ibong ei minu dima bingwig tug hon Ade nisindemti di sindem tut yok. Ayai nisindemti biyok leu binhyepo Ade limwa nya ibibon nibou ndig mben Kanaan bitut ide limwa nya yahagom bit leu ingon kanti.

MAZMUR 9:17

tuhan ndo Nonti tug hon nikos tutti di sren-srau nya. Yo di isibut nya ibiam bon tug hon yonti ide nibon munti.

NEHEI LEUSI 34:12

Ma jeni kin timiei nya ei minu dima jipreu mun ei bit yam au. Leu gi nok lene mijibiam bon nimai.

MBEN ISRAEL IMBUT-MBUT NYEN 13:17

Tirigi Musa cuk yok bimbut lene sok kep yok “Ma jimbut ug ei nite bei mpia nijjai ba, juug krau minu Kanaan nibiho. Leu api ma jikui kikau ug ei nungug him ei minu dima.

NINDAT KEP TUHAN NICUKTI NYA 1:7

Ma jilet jide prak meng nya bijimbut ug ei mben Amori ide minu di bon nungug him kin minu di gahai dima kou cem. Nok Yordan nyai kin hampiati kin les him kin hanjop di jo bei mpia nibiho kin mukti di jo ndam Muk Hacan hagom. Ma jicoi ba, jiya bidem minu Kanaan kin Nungug Libanon kikau ug bipek minyei nindig Efrat.

NINDAT KEP TUHAN NICUKTI NYA 2:34

Mpe dima ne nyeni igyai ide minu ndig nya hagom bigyati leu api inggek ide minu ndig dima gom-gom sindam bitimek lene igyai nimai bak yo di ibong ei minu dima yahagom ba, igyai nimai bak pinai nya kin sop nya kin munggwom nya cem yahagom. Hi ningwes ngun bi.

NINDAT KEP TUHAN NICUKTI NYA 7:24

Noni mikes ide nibou ndig nya ei jindati. Tirigi jihwen yok bingwig lene ide limwa nya mingon prion ser yok. Bit bon jide siceu nya igya ngkiem ser je kan bi lewo mijihwen yahagom bingwig.

YOSUA 10:35

Ibindei timek minu ndig Eglon cem bigyati mem njap gom dima. Lene igyai nimai bak timiei minu ndig dima yahagom noyam kin gi po ibibon timiei Lakhis pima.

YOSUA 10:37

leu api igyai bigyati. Lene ibiyai nimai bak nibou ndig Hebron kin tungwagom-gom di ningat rin ei minu ndig dima kin minu mien di jo ttai nya cem yahagom. Yosua bindei sar minu ndig dima bitimek bihigom bit leu nok gi po noni bibon minu ndig Eglon pima. Igisindui sut ba, tungwagom ngat cem niyaijo ei minu dima bi sren.

YOSUA 10:39

Yosua nya igyai nimai bak nibou ndig Debir lene ibindei timek minu ndig dima kin minu ndig hiter di jo ttai nya cem leu api igyai bigyati. Lene igyai nimai bak yo di ingat rin ei minu ndig dima yahagom. Yosua bibon Debir bitut nibou ndig Debir noyam kin gi po bibon Hebron kin Libna kin nibou ndig nya ei minu ndig dima.

YOSUA 11:16

Yosua nya ibindei timek minu dima hagom leu api igyai bigyati. Minu di ibindei timek lene ibiyai bigyati dima ne nungug him nya kin nungug kiou nya nite bei mpia nijjai kikau ug ei nite bei mpia nibiho kin hanjop Gosyen bitut minu ndig di jo eisi nya hagom kin iggum ndigsi ei Gosyen nibiho kin Mbang Briep Yordan.

YOSUA 12:8

Bitut nungug him kin nungug kiou nite bei mpia nicutti kin Mbang Briep Yordan bitut mboi nya kin nikiou nya kin cet titnon nya nite bei mpia nipriti kin iggum ndigsi nite bei mpia nibiho hagom sok yam ei minu dima. Nipou ne mben Het kin mben Amori kin mben Kanaan kin mben Feris kin mben Hewi kin mben Yebus yahagom ibong ei sirima.

YOSUA 18:21

Bikwop keret Benyamin ninsi de gom-gom itug ndei minu ndig simnaibrimigcan bitut minu mien di jo ttai nya hagom sok yam ba, inyeng tak kep hagom. Minu ndig dini yok rino Yerikho kin Bet-Hogla kin Emek-Kezis kin Bet-Araba kin Zemaraim kin Betel kin Haawim kin Para kin Ofra kin Kefar-Haamonai kin Ofni kin Geba.

YOSUA 6:17

Ma jinggek minu ndig titut yam bingwig ba, jiyai nimai bak timiei nya yahagom nok mun di jibinggei sut tuhan. Noro ma jingget sop sundal Rahab kin nide bat nya au. Lewo noni nyohou ibou can po igyok itta kep minu ndig Yerikho pima biku yok nyahan.

YOSUA 8:2

Suar abindei nibou ndig minu ndig Ai kin nide minu ndig noyam kin gi abibon nibou ndig Yerikho kin nide minu ndig nipou su pima. Noro tut mben Ai ne disindui sut ba, apos ide ndigban kin mindhe-ndhe nya ba, ama nok ade kin ade limwa nya ide. Atin ei mem gima acoi ug ei minu ndig dima ba, ahwen kros leu nite bei ninghim.”

YOSUA 8:27

Lene tentara Israel ipos mindhe-ndhe nihyen kep nya kin ndigban leu minu ndig Ai hagom binok ide bu bit leu tuhan nicuk Yosuati pima.

YOSUA 9:24

Lene mben Gibeon ibuhup “Andigpoi e, nimiap tut bipia tuhan Allah di jikuk je bak cuk Nide awak Musa mem gima yai minu dini titut yam bina di Andigpoi a. Lene suar jiyai nimai bak yo di ibong ei minu ndig dini yahagom mpe dino jiyai minu ndig dini ba, jiyati. Nyeni nittin tut jeni nindig bibor. Leu mijiyai nimai bak nyeni cem. Gima rino niris mun bije tug hon niyai munti pima yok.