YOSUA 10:27 - ALLAH NIHYET MEM TUNGWATU NYA

²⁷ Tirigi mpia cut tu lene Yosua cuk nide tentara nya poi ba, icug nimbiam ngut dima yok leu cou dihim dima yok. Leu api injei ingut ug ei hak mihyeti po nibou ndig dima yok iku yonti eisi pima hanyen. Leu api irim tig nindig pima yok ser hak mihyeti dima nuhui dip hanyen. Tig dima yok no jo ei mpia dima kikau kwei bipek ammani kep.

YOSUA 10:27 ပူးပေါင်းရင်းမြစ်များ

SAMUEL GI NICAN 18:17

Lene nide limwa nya icug Absalom ningut binjei ug ei jui nsi di jut bibor ei bigbehei pima leu api idingug tig mang bibor bijo-jo yam dip ser nuhuigya. Lene tentara Israel pima yok yahagom inang bingkwei hanyen ug ei itimieisi.

YOSUA 4:9

Lene Yosua dingug tig nindak simnaibrimigcan hi kin bu ei Yordan ninggimau hammi mpia di imam nya igya tut Brua Gi Preu eisi. (Tig simnaibrimigcan dima jo nijoti kikau kwei bipek ammani kep.)

YOSUA 7:26

Gima leu api ittei tig mang bibor binju bijo-jo yam dip ei mpia dima ba, tig dima no jo kikau kwei bipek ammani kep. Gima rino ijem mpia dima ninyeng Mbang Briep Nuum Ningon Buhun. Lene tuhan kes hon ba, gga yok bu bi.

YOSUA 8:29

Tentara Israel ipindur nibou ndig Ai ningut ei cou dihimti lene isindui sut ei sirima kikau bipek mmunti. Tirigi mpia cutti lene Yosua cuk tentara nya ibou poi ba, icug nimbiam ngut dima bicom hak ei dimbou pmem minu ndig Ai nuhui a. Leu api ittei tig mang bibor ba, inju bijo-jo yam dip ei mpia dima. Tig dima yok no jo nijoti dima kikau kwei bipek ammani kep.