YOSUA 10:13 - ALLAH NIHYET MEM TUNGWATU NYA

¹³ Mpe dima lene mpia njap kin bed mmun hacem cut bi bibou tentara Israel ihwen ide siceu nya bingwig ug e. Yasar pas kep tut mun di pek kep mem yok ei nide sratti nok gini tu. Njap dima ne mpia com mem mpia huk pijum bicut bi kikau mem njap nitindur gom.

YOSUA 10:13 ပူးပေါင်းရင်းမြစ်များ

SAMUEL GI NICAN 1:18

leu api cuk Yehuda nya leu binhyepo ingginau yam tut doia dini. (Ipas kep doia dini ei Srat Yasarti.)

NIBOU NDIG NYA GI NICAN 20:10

Lene Hizkia buhup “Krop kei mem mpia yaisi ningwes dima mbut bei nibiho ug ei niciusi simnai lewo gima bit leu nok niyai kepti. Gima rino ma abindei ba, su jou hanyen kep ninghim dip ug ei niciusi simnai.”

ESTER 8:13

Srat nibicukti di ibindei hei dima ne nibou nya ide nikos tutti rin ba, suar limwa nya ikrau kep bitri tut bak limwa nindigsi nya di ingat rin ei hanjop nsi nya hagom. Nicukti dima sindui sut mben Yahudi ba, itin ei ide minggwen nya binjei siceu mem gima ikon pran bit ide nitok joti nya mpe di tto bou pima dem tu.

AYUB 9:7

Allah sindem mem gima ggai ser mpia njap ba, pri mem nijam njap tekti bi. Noni cuon ser ham mpia-bbed him nya ba, hi dima jimjit mem mmun bi cem.

MAZMUR 148:3

Mpia njap kin bed mmun e, ma jinggei sut Noni! Ham mpia-bbed him di jimjit nya e, ma jinggei sut Noni!

MAZMUR 19:4

Mun dima yok tri tut nikei-kau-keisi tug hon nihyet di tibim ei nuhui him kin nugwei di nyeni imiap ei itingou nsi bi.

YESAYA 24:23

Bed mmun midindi ba, mpia njap micom nimig bu bi. Lewo tuhan Di Ninyeng Jei Bibor minok nibou ndig di ninyeng tak kep limwa nya. Ninyeng mitak kep yok ei minu ndig Yerusalem ei Nungug Sion dip bindo ninyeng jeisi brei bak yo di ibie tut Nide limwa nya.

YESAYA 38:8

Mun di bindo tut jam mpia yaisi di Ahas bibon pima ningwes mingkwei kep ninghim dip njiriek niciusi simnai.” Pai nok rino ningwes dima ngkwei hanyen kep ninghim dip njiriek niciusi simnai.

YOEL 2:10

Tirigi hai ceng dima yok injei kwei lene ibindei ba, dihyei ugwa-kwei. Mpia-bbed him bingmai ba, mpia njap kin bed mmun dindi-kai lene ham nya cem jimjit bu bi.

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:15

Mpia njap kin bed mmun dindi-kai ba, ham nya jimjit bu bi.

HABAKUK 3:11

Ade tibor di tibim sindem bibor ninjeng srei ba, Ade micim di sieng kei jimjit bibindei ba, mpia njap kin bed mmun yahacem ijo-joti hak bimbut bi.

MBEN ISRAEL IMBUT-MBUT NYEN 21:14

Gima rino tungwagom pas ei Srat Pran tuhan Deti nok gini “Minu mien Waheb ei hanjop Sufa kin mbang briep nya. Minyei Arnon,

MBEN ISRAEL IMBUT-MBUT NYEN 31:2

“Ma jibuhup hanyen bijikon pran bit mben Midian drek dip mun po ibon bak je di mben Israel pima. Gima ngwig leu lene amai ug ri.”

MATIUS 24:29

“Tirigi mun di buhun cut igkep yok ei nijam dima ningwigsi rino mpia njap dindi ba, bed mmun com bi. Ham mpia bbed-him micut ba, nisindemti nya ei mpia-bbed him ugwa-kwei.

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

LUKAS 18:7

Gi nok ne Allah cem mimbrap gau Nide limwa nya di yahara Noni bikwop mmun-njap bi e? Noni miba nikou bimpu yok e?

KISAH 2:20

Mpia njap dindi ba, bed mmun ngwoi nok ninggrom nipou tirigi Tuhan de Njap ningwig honti di nindig bikei-kau-kei cem ttau kros bigyo.

YOSUA 10:11

Hammi tirigi tentara Amori inang leu tentara Israel bijuk leu nitinggoisi pima rino tuhan bindei ba, biget es mbras nok tig nindig bibor bitot yok kak puig sinon kikau bipek Azeka. Tentara Amori imang bibor imai tug hon biget es leu gi imai tug hon tentara Israel di ihwen yok nya.

YOSUA 10:14

Njap di mindur hi nok gima pek kep mem tungwatu nya nipou ba, niabiati cem bi sren. Lewo njap dima ne tuhan bit tungwatu dihyeisi dini ingon kanti ba, Noni tti kin tentara Israel bimpu yok.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”

NINGAT-HI-NGAT NYA 6:12

Leu api dingat lo, Domba Pmot cug biei nggrai gi nimuhwindagom leu. Mpe dima ne dihyei ugwa-kwei bibor ba, mpia njap dindi-kai dem kep kron nimmun ba, bed mmun cem ngwoi dem kep nggrom,

NINGAT-HI-NGAT NYA 8:12

Tirigi malaikati gi nibitai miep nide pun mbrei lene mpia njap kin bed mmun kin ham nya injeng nittou nsi gom dindi lene nittou nsi can jo. Gima rino nidinditi nggai kep nipigati leu mpia njap kin bed mmun kin ham nya nittou nsi gom noro nittou nsi can jo.

NIJAM NIKEI NYA 16:28

Lene Simson ngat nadi bipai “tuhan Di Ninyeng Jei Bibor e, ma ayok ngon kep da. Dingat nadi leu binhyepo Na di Allah asindem tut da mbigom kin bu he. Leu binhyepo midibirop hanyen bak mben Filistin drek dip diyai njep cin di itak tu.”

NIJAM NIKEI NYA 5:2

bipia jikwei ba, inggei sut tuhan! Lewo mben Israel ibungwam mem gima ikon pran ba, tuhan de limwa nya iba ingon di llei bibor binjei siceu.