YOSUA 10:1 - ALLAH NIHYET MEM TUNGWATU NYA

¹ Mpe dima lene Adoni-Zedek di nibou ndig ei minu ndig Yerusalem miap Yosua ninghapti tut gi noni kin mben Israel ikon pran bit mben Ai binggek minu dima bitimek bingwig ba, igyai nimai bak timiei minu ndig Ai kin ide nibou ndig dem kep nok gi po ihwen mben Yerikho kin nibou ndig Yerikho pima. Lene noni miap tut mben Gibeon inghapti bipia ibindei ba, mben Israel ikwam minggwen bit yok bice tut yo dima ibong srig mben Israel ikieti.

YOSUA 10:1 ပူးပေါင်းရင်းမြစ်များ

NITRITI 14:18

Lene Melkisedek di nibou ndig Salem cem ya um Abram biyai roti kin ba anggur ngei bak. Melkisedek ne imam mem Allah Di Ninyeng Jei Bibor ri.

IBRANI 7:1

Melkisedek ne nibou ndig ei minu ndig Salem rin ba, yai midyai nok imam mem Allah Di Ninyeng Jei Bibor. Tirigi Abraham ngkwei hanyen leu nikon pran bitot nibou ndig nya bingwigsi dima lene Melkisedek kwei um noni bingat nadi tindei mun di kei mem noni.

YOSUA 10:3

Gima rino Adoni-Zedek sok nihyet bak nibou ndig Hoham ei Hebron kin nibou ndig Piream ei Yarmut kin nibou ndig Yafia ei Lakhis kin nibou ndig Debir ei Eglon bipai biyok,

YOSUA 6:21

Lene iba ide simeda bitot timiei minu ndig Yerikho nya nok pinai nya kin sop nya kin munggwom nya kin andigpoi nya yahagom imai bingwig. Lene ibui sapi nya kin domba nya kin keledai nya hagom bingwig.

YOSUA 8:2

Suar abindei nibou ndig minu ndig Ai kin nide minu ndig noyam kin gi abibon nibou ndig Yerikho kin nide minu ndig nipou su pima. Noro tut mben Ai ne disindui sut ba, apos ide ndigban kin mindhe-ndhe nya ba, ama nok ade kin ade limwa nya ide. Atin ei mem gima acoi ug ei minu ndig dima ba, ahwen kros leu nite bei ninghim.”

YOSUA 9:3

Noro nibimbiti tut Yosua di bindei timek minu ndig Yerikho kin Ai tibim ei timiei minu ndig Gibeon di imbier kim mben Hewi itingou nsi.