YOSUA 1:8 - ALLAH NIHYET MEM TUNGWATU NYA

⁸ Ma akwop Ditde nicuk jeti nya ei ahui him brei ei mben Israel yoho bei tirigi idem yam ei ba, ikuk yok biDa. Ma angig ayai kep hagom bikwop mmun-njap. Lene ma ata abou eisi ba, abit hagom nok gi kei. Gino ayai nok gima lene ade midyai nya mingat ningat mang bibor.

YOSUA 1:8 ပူးပေါင်းရင်းမြစ်များ

NITRITI 24:63

Mpe di gom ne noni hei leu prak meng mem mmunti biya-ya nyen ei susti lene ngat lo, unta nya rino itau ma kwei.

NIBOHON MBEN ISRAEL GI NICAN 26:5

Zakharia pingok kep ningonti tut Allah ningon kanti nya. Nijam di Zakharia niyaijo yo dima lene Uzia ba ningon di gom bikuk no bak tuhan kikau. Apino tuhan njei mun di kei bak noni.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:15

Dipikor ei Ade nikos tutti nya ba, diyok diyai kep Ade ningginausi nya.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

MAZMUR 119:99

Dingon dorti tut mun nyeng hagom dor njiriek guru nya di ipingok dingonti yahagom lewo dikan-kan nyen tut apingok dati nya.

MAZMUR 19:14

Ma anyohou da ser nhyepo dibisinggre bidibon sisar ba, sisar dima ninyeng tak kep da cem au. Tug hon nisinati dima ne sisar nimap mikui dati bi ba, dingon ngun leu nipigau hanjopti.

MAZMUR 40:10

tuhan e, tirigi Ade limwa nya imbus yam ei pima ne ditri tut bipia ateu nye biningwes ngun. Akan tut bipia midikimut duhui leu mun di ditri tut dima bi sren.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 7:21

“Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

YOHANES 14:21

No di ce tut bibit Ditde nicukti nya ningon ngakei Da. Dicig ningon ngakei no di ningon ngakei Da. Dani cem dingon ngakei noni bidindo Danti brei bak.”

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

NINDAT KEP TUHAN NICUKTI NYA 29:8

Ba, ipos yo ide minu leu yok bikwas tut keret Ruben kin keret Gad kin keret Manasye nite hi.

NINDAT KEP TUHAN NICUKTI NYA 29:9

Gima rino ma jiba jingon di gom bibit gi preu dini titut yam leu binhyepo ningat di kei mintun midyai di jibrim jingkek tut him.

NINDAT KEP TUHAN NICUKTI NYA 30:14

Ma jihig yam nok gima au. Lewo nicuk jeti nya jo dideu bibor ei jibou ngwakti kin juhui him cem. Gima rino krop kei mem jibit hagom nok gi kei.

NINDAT KEP TUHAN NICUKTI NYA 31:11

Suar jikwop kep niggai serti dini hagom ei juhui him ei mben Israel yoho bei tirigi idem yam ei mem ikuk yok bak tuhan di nok ide Allah ei minu ttou nsi gom di Noni pigig sut ei mem jikuk je biNoni eisi.

NINDAT KEP TUHAN NICUKTI NYA 31:24

Lene Musa pas kep tuhan nicukti nya ei srat gomti bikrau ningon tut leu binhyepo tunggwei mun nyeng hi bi.

NINDAT KEP TUHAN NICUKTI NYA 5:1

Lene Musa nduk mben Israel yahagom kwei ba, idem yam ei su leu api noni pai biyok “Disut bat jen, ma jingig jitingou mem niggai serti nya di diyai bije njap di ammani hagom. Ma jingginau yam tut nicukti dima yok ba, jiba jingon di gom bibit hak.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

NINDAT KEP TUHAN NICUKTI NYA 5:32

Gima rino disut bat mben Israel jen, ma jiba jingon di gom bibit jide tuhan Allah nicuk jeti nya hagom. Ma jinjiriek nicukti nya gom ngat cem au.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

YOSUA 1:7

Ma angon nddong ba, abrim angkek cem lene ata abou ei nicukti po Ditde awak Musa yai bije pima titut yam. Ma jikrau tunggwei puig di dicuk je tut nya au. Gi nok lene jide niyai munti nya hagom mingat ningat di kei bibor.

YOSUA 8:34

Leu api Yosua ba nihyet nindig bikwop nicukti nya bitut mun di kei nya kin nisigionti nya hagom dem igbit Musa nipas kepti ei srat tuhan Nikos Tutti Nya.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.