YOSUA 1:7 - ALLAH NIHYET MEM TUNGWATU NYA

⁷ Ma angon nddong ba, abrim angkek cem lene ata abou ei nicukti po Ditde awak Musa yai bije pima titut yam. Ma jikrau tunggwei puig di dicuk je tut nya au. Gi nok lene jide niyai munti nya hagom mingat ningat di kei bibor.

YOSUA 1:7 ပူးပေါင်းရင်းမြစ်များ

NIBOU NDIG NYA GI NIGOM 2:2

“Son dideu diyaijo ningwig honti tu. Gima rino ma angon gom ba, abrim angkek,

NIBOU NDIG NYA GI NIGOM 2:3

leu binhyepo ayai igbit ade tuhan Allah nicuk nati nya hagom. Abit Nide niggai serti kin nicukti di Musa pas kep tu nya hagom leu binhyepo ningat nindig bibor mintun ayai munti nya hagom him bidem minu di aya bidem eisi nya.

NIBOU NDIG NYA GI NICAN 22:2

Yosia niyai munti nya hagom bit leu nok tuhan nicuk noti ba, noni yai bram nide pung Nibou Ndig Daud niyai kepti nya hagom bibit Allah nihyet hagom cem.

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NICAN 15:7

Mbro nok gima lo, suar jiya ngkiem bijibrim jingkek kikau. Lewo ningat di kei mintun mun di jibrim jingkek mem dima him.”

NIBOHON MBEN ISRAEL GI NICAN 26:5

Zakharia pingok kep ningonti tut Allah ningon kanti nya. Nijam di Zakharia niyaijo yo dima lene Uzia ba ningon di gom bikuk no bak tuhan kikau. Apino tuhan njei mun di kei bak noni.

AYUB 1:8

tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

MAZMUR 80:19

Leu api miniba ninghim bak Nani bu bi sren. Ma anyohou nye leu binhyepo niyaijo hanyen leu api mininggei sut Na.

NIPINGOK NINGONTI 4:27

Ma aom nanti ei minu ting leu mun di kinei lene aba angon di sren bimbut llu ug bipek nipekti. Ma akriek leu puig di nijit jit-jau au.

NIPINGOK NINGONTI 8:20

Dikak puig ningon gom bidinut ningon sren nohoti.

DANIEL 10:19

Noni pai bida “Yo, ma ayai nisindemti. Angon digit ba, attin tut au! Lewo Allah ningon ngakei na.” Pai nok rino dingkek kan lo, ditde nisindemti kum eisi bidor njiriek bu. Lene dipai bak “Gima ne na di Andigpoi e, apai angon kanti bida hak ug. Lewo abindei ba, ditde nisindemti kum eisi bu tu.”

MBEN ISRAEL IMBUT-MBUT NYEN 27:23

Lene kes ninda hacem ei Yosua nibou nggram him bipai sut brei bipia noni ne no di ya luei Musa nohoti bit leu nok tuhan nicuk noti ri.

NINDAT KEP TUHAN NICUKTI NYA 11:8

“Ma jibit nicukti hagom di ditri tut bak jeni njap di ammani. Leu api dem mem gima jisigon minyei bijuug dihip ei nite dima ug ba, jicoi ug ei minu di jei bi mijibong niti.

NINDAT KEP TUHAN NICUKTI NYA 12:32

Suar jibit dicuk jeti nya hagom. Ma jiba jide nicukti bijikum eisi ba, jikus hi bijicom leu cem au.

NINDAT KEP TUHAN NICUKTI NYA 28:14

Noro ma jiba puig hiter di nijit bi bibbwe ser tuhan nicukti nya dima au. Ma jikuk je bak nung nya ba, jiyai jingon gom bak cem au.”

NINDAT KEP TUHAN NICUKTI NYA 29:8

Ba, ipos yo ide minu leu yok bikwas tut keret Ruben kin keret Gad kin keret Manasye nite hi.

NINDAT KEP TUHAN NICUKTI NYA 29:9

Gima rino ma jiba jingon di gom bibit gi preu dini titut yam leu binhyepo ningat di kei mintun midyai di jibrim jingkek tut him.

NINDAT KEP TUHAN NICUKTI NYA 31:7

Lene Musa hig Yosua kwei bicuk noni ei mben Israel yahagom yoho bei bipai “Ma ata abou eisi ba, abrim angkek lewo nani ne no di mibie tut yo dini tirigi icoi ug ei minu di tuhan preu ei mem idigup bat-idigai bat nya bibong kep ri.

NINDAT KEP TUHAN NICUKTI NYA 4:2

Ma jiba jide nicukti bikum eisi ba, jikus hi bijicom ei au. Noro ma jibit tuhan di nok jide Allah nicukti di ditri tut bije hagom.

NINDAT KEP TUHAN NICUKTI NYA 5:32

Gima rino disut bat mben Israel jen, ma jiba jingon di gom bibit jide tuhan Allah nicuk jeti nya hagom. Ma jinjiriek nicukti nya gom ngat cem au.

YOSUA 1:1

Niabiati tuhan de awak di Musa mai leu su lene tuhan pai bak Yosua di ya kui Musa di nicig ninyeng Nun,

YOSUA 1:8

Ma akwop Ditde nicuk jeti nya ei ahui him brei ei mben Israel yoho bei tirigi idem yam ei ba, ikuk yok biDa. Ma angig ayai kep hagom bikwop mmun-njap. Lene ma ata abou eisi ba, abit hagom nok gi kei. Gino ayai nok gima lene ade midyai nya mingat ningat mang bibor.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 11:15

tuhan yai nicukti nya hagom bak Nide awak di Musa nipou su lene Musa kes nicukti dima yok hagom bak Yosua. Leu api Yosua yai igbit nicukti dima hagom. Noni tunggwei sut gom cem bi.

YOSUA 23:6

Gima rino ma jingon sok kep jenti leu binhyepo jiyai igbit tuhan Niggai Serti Nya di Musa pas kep ei nide sratti hagom. Ma jitunggwei niggai serti dima ninyeng gom cem au.