YOSUA 1:5 - ALLAH NIHYET MEM TUNGWATU NYA

⁵ Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:5 ပူးပေါင်းရင်းမြစ်များ

NITRITI 39:2

tuhan nyohou Yusuf nok gi kei bibindei ba, noni joi bibor biyai midyai nya hagom nok mungkun kei. Noni bong bit niceu timiei minu Mesir pima.

NIBOU NDIG NYA GI NIGOM 1:37

Nnaba tuhan ningat rin bit Salomo bit leu nok Noni ningat rin bit na di Andigpoi. tuhan mibindei ba, Salomo de ninyeng tak kep limwa nyati mbut sindem bibor njiriek na di Andigpoi anyeng tak kep ade limwa nyati.”

NIBOU NDIG NYA GI NIGOM 11:38

Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

NIBOU NDIG NYA GI NIGOM 6:13

Midikwei bong bit Ditde limwa di mben Israel ei Ditde ig di angot ei su dini lene midikes yok ei bi sren.”

NIBOU NDIG NYA GI NIGOM 8:57

Handei kon ba, nyende tuhan Allah ningat rin bit nye bit leu nok ningat rin bit nyeni idigup bat-idigai bat nya ba, kes nye ei bi sren.

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

NEHEI LEUSI 3:12

Lene Allah buhup “Midingat rin bit na leu api tirigi ateu yok bingwes ngun leu minu Mesir lene mijikuk je biDa ei nungug dini. Mun dima rinok mun di bindo tut bipia dipinak na.”

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

YEREMIA 1:8

Ma attin tut yok au. Midingat rin bit na leu binhyepo dinyohou na. Da di tuhan disimbot dat tu!”

DANIEL 11:16

Nibou ndig minu Siria dima bon mun bit leu nonti ningon kanti lewo hi dima sindem mem gima hwen no poi mien cem bi. Noni yai minu di kei-kau dor njiriek minu nindigsi nya biyati ba, ninyeng tak kep titut yam.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

NINDAT KEP TUHAN NICUKTI NYA 20:4

Lewo jide tuhan Allah minjei siceu bit je bisindem tut je leu binhyepo jibindei timek yok.’

NINDAT KEP TUHAN NICUKTI NYA 31:23

Lene tuhan pai bak Yosua di Nun nipmot “Suar angon nddong ba, ata abou eisi lewo jei bi lene abie tut mben Israel ug ei minu di dipreu ei mem yok nipou su. Midingat rin bit na.”

NINDAT KEP TUHAN NICUKTI NYA 4:31

Lewo tuhan Allah ne jide Allah di ngondut tungwatu nya nindig bibor ri. Noni mikes je bihigom ei bi ba, mihwen je bijingwig bi. Gima cem ningon miprion ser mun po Noni preu ei mem jidigup bat-jidigai bat nya pima bi.

NINDAT KEP TUHAN NICUKTI NYA 7:24

Noni mikes ide nibou ndig nya ei jindati. Tirigi jihwen yok bingwig lene ide limwa nya mingon prion ser yok. Bit bon jide siceu nya igya ngkiem ser je kan bi lewo mijihwen yahagom bingwig.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YOSUA 1:17

Minibit ahyet dem kep nok gi po nibit Musa nihyet pima. Handei kon ba, tuhan di nok ide Allah miningat rin bit na bit leu nok ningat rin bit Musa nipou su!

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 10:8

Lewo tuhan pai bak Yosua “Ma attin tut yok au. Dikos tut bipia yo dima yahagom micut bak jeni ug ri. Bit bon ade siceu hi ningwes ngun kan bi.”

YOSUA 21:44

tuhan nyohou mben Israel bibindei ba, ibong kei igwam kei ei minu dima nisurti-nipekti bit leu nok Noni preu ei mem idigup bat-idigai bat nya tu. Ide siceu nya hi di brim ningkek mem gima hwen yok bi. Lewo tuhan yai nisindemti bak mben Israel leu binhyepo ibindei timek siceu nya yahagom.

YOSUA 3:7

Lene tuhan pai bak Yosua “Midibon mindur mem njap di ammani di mibindei anyeng di jei ba, mben Israel sindi minggei sut na tirigi jo nibreisi mem yok bipia dingat rin bit na dem kep nok gi dingat rin bit Musa nipou su.

YOSUA 6:27

Gima rino tuhan ningat rin bit Yosua leu api tungwatu nya ei minu dima hagom inga leu tut nide midyai nya.

NIJAM NIKEI NYA 2:18

Tirigino tuhan dimig mben Israel ide nibou gom ei bimpu noni leu binhyepo bie tut yok biteu yok bingwes ngun leu ide siceu nya lene yahagom ibong kei igwam kei kikau bibou nibou dima mai leu yok ug e. Ei nijam dima ne tuhan ngondut mben Israel lewo ingon buhun tut ide siceu di imbuk tut yok bico kep yok.

NIJAM NIKEI NYA 6:16

Lene tuhan pai binoni “Nani adem mem midyai dima lewo midimpu na. Jei bi lene mporo aco kep mben Midian ba, atam yok bingwig dem kep nok ahwen tungwagom ngat he.”

SAMUEL GI NIGOM 10:7

Tirigi mun dini yok hagom pek kep mem na lene ma ayai igbit angon kanti hak ug lewo Allah ningat rin bit na.