YOSUA 1:4 - ALLAH NIHYET MEM TUNGWATU NYA

⁴ Jide minu dima nohon keti ei iggum ndigsi bei mpia nibiho kikau ug bipek kin Nungug Libanon bei mpia nijjai kikau ug bipek kin minyei nindig Efrat bei mpia nipriti bitut mben Het ide minu hagom kikau ug bipek kin Muk Hacan bei mpia nikimbasti hagom.

YOSUA 1:4 ပူးပေါင်းရင်းမြစ်များ

NEHEI LEUSI 23:31

Lene midipek minu dima bak jeni ba, nijeisi jo leu minyei Akaba kikau ug bipek kin Minyei Efrat lene jo leu Muk Hacan nintig dip kikau ug bipek kin iggum dip ninghas him. Midisindem tut je leu binhyepo jijji timiei nya ei minu dima bingwig leu je sindam tirigi jidigek kep mpia.

NINDAT KEP TUHAN NICUKTI NYA 11:24

Bikwop dihyei hanjop nsi di jico niti nya ne mijinyeng tak kep hagom. Jinyeng mitak kep minu nisurti-nipekti dima leu iggum ndigsi ei nite bei mpia nibiho kikau ug ei Nungug Libanon nya ei nite bei mpia nijjai cem leu Minyei Efrat ei nite bei mpia nipriti kikau ug ei Muk Hacan ei nite bei mpia nicutti.

NINDAT KEP TUHAN NICUKTI NYA 3:25

tuhan e, ma asindui sut ba, disigon Minyei Yordan ba, duug dihip ei nite dima ug leu binhyepo dingat minu di nnum kei di jo nite dinyo kin nungug tou di kei bibor kei nya kin Nungug Libanon nya cem bou diyai him ug e.

NINDAT KEP TUHAN NICUKTI NYA 1:7

Ma jilet jide prak meng nya bijimbut ug ei mben Amori ide minu di bon nungug him kin minu di gahai dima kou cem. Nok Yordan nyai kin hampiati kin les him kin hanjop di jo bei mpia nibiho kin mukti di jo ndam Muk Hacan hagom. Ma jicoi ba, jiya bidem minu Kanaan kin Nungug Libanon kikau ug bipek minyei nindig Efrat.

NIBOHON MBEN ISRAEL GI NIGOM 18:3

Niabiati bu ne Daud bindei timek nibou ndig Zoba di Hadadezer dideu hanjop Hamat ei minu Siria. Mpe dima lene Hadadezer njei siceu bipi bipos hanjop di jo dideu Minyei Efrat nibrig ba, ninyeng tak kep.

NIBOHON MBEN ISRAEL GI NIGOM 5:9

Ide mindhe-ndhe di ighyen kep ei hanjop Gilead nya mang bibor. Gima rino intek bibong ser minu di jo nite bei mpia nipriti ei iggum ndigsi di ug ninno bipek kin Minyei Efrat nyai.

NINGAT-HI-NGAT NYA 9:14

Nihyet dima cuk malaikati gi nimuhwindagom “Ma akes malaikati ibou bitai di ingot yok simiak Minyei Efrat nyai hak ug!”

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

NIBOU NDIG NYA GI NIGOM 10:29

Lene inyohou pek kroba pran nya cem leu minu Mesir mem noni. Kuda ningut gom nibok dem mitiei perak sratus gom ningot muhwi lene kroba pran gom nibok dem mitiei perak sratus muhwindagom. Nok gima lene nitri-nipek mun cig dima inyohou pek kuda nya kin kroba pran nya bitri hanyen bak nibou ndig mben ngkiai ei minu Het kin minu Siria cem.