YOSUA 1:17 - ALLAH NIHYET MEM TUNGWATU NYA

¹⁷ Minibit ahyet dem kep nok gi po nibit Musa nihyet pima. Handei kon ba, tuhan di nok ide Allah miningat rin bit na bit leu nok ningat rin bit Musa nipou su!

YOSUA 1:17 ပူးပေါင်းရင်းမြစ်များ

SAMUEL GI NICAN 14:17

Diba dingon com bipia na di Andigpoi apreu ei mem dati dima micuon diyaisi ba, dingwes ngun. Lewo dikan bipia na di Andigpoi anoyam kin Allah de malaikati di kan tut bipia mun di kei ter leu mun di kinei. Dingat nadi leu binhyepo na di Andigpoi ade tuhan Allah ningat rima bit na di Andigpoi a.”

NIBOU NDIG NYA GI NIGOM 1:37

Nnaba tuhan ningat rin bit Salomo bit leu nok Noni ningat rin bit na di Andigpoi. tuhan mibindei ba, Salomo de ninyeng tak kep limwa nyati mbut sindem bibor njiriek na di Andigpoi anyeng tak kep ade limwa nyati.”

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

MAZMUR 20:1

Doia Daud mem no di bie tut doia nimpung.

MAZMUR 20:4

Handei kon ba, joi sut Ade midut nibikuk na biNoniti nya hagom ba, ningon kei sut Ade midut nindig mindhe ei nimbar hum dokti nya cem.

MAZMUR 20:9

Yo pima mindrat mpia bicut noro nyeni mikiju bigya ngkiem kei.

MBEN ISRAEL IMBUT-MBUT NYEN 27:18

Lene tuhan pai binoni “Ma ahig Yosua di Nun nipmot kwei lewo noni joi bibor. Lene ma akes anda hacem ei nibou nggram him.

MBEN ISRAEL IMBUT-MBUT NYEN 27:20

Ma akes Ade nisindemti ndrim hi bak Yosua leu binhyepo mben Israel yahagom mibit nihyet.

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

YOSUA 1:16

Lene ibuhup “Miniyai hagom bit leu nok acuk nyeti ba, minimbut ug ei tirigi tou apinak nye ug eisi ug ri.

YOSUA 1:18

Minikes hukum nimai bikwop ei tungwa tou rino srep tut na ba, njiriek acuk noti nya hagom. Ma abindei ba, angon nddong ba, abrim angkek hak ug!”

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 4:14

Mun di tuhan bibon mem yok njap dima bindei ba, mben Israel ikon Yosua ninyeng bijei. Lene ikon ninyeng kikau ug bipek niyaijo ningwig honti kep dem kep nok ikon Musa ninyeng ei nipou pima.

SAMUEL GI NIGOM 17:37

tuhan teu da bidingwes ngun leu singa nya kin beruang nya tu. Gima rino dikan tut bipia noni miteu da bidingwes ngun leu mben Filistin gom dima cem.” Lene Saul buhup “Nnaba aug hwen noni hak ug. tuhan misindem tut na.”

SAMUEL GI NIGOM 20:13

Ne gino noni bungwam mem gima yai nimai bina lo, dipai sut bina bidibindei ba, angwes ngun bi lene ma Allah yai nimai bida hak drek dip. Handei kon ba, Allah misindem tut na bit leu nok Noni sindem tut dicig.