YOSUA 1:1 - ALLAH NIHYET MEM TUNGWATU NYA

¹ Niabiati tuhan de awak di Musa mai leu su lene tuhan pai bak Yosua di ya kui Musa di nicig ninyeng Nun,

YOSUA 1:1 ပူးပေါင်းရင်းမြစ်များ

NIBOU NDIG NYA GI NIGOM 19:16

Lene aba mini nibon midut hi kin bu bita Yehu di Nimsi nipmot nok nibou ndig mem mben Israel. Lene aba mini nibon midut hi kin bu bita Elisa leu Abel-Mehola di Safat nipmot nok nabi di ya luei ahoti bu.

NIBOU NDIG NYA GI NICAN 3:11

Lene Nibou Ndig Yosafat hig ser yok “Nabi hi ningat rin srig ikieti nogindini mem gima hig ser tuhan mem nye bi e?” Lene nibou tentara Yoram de gom buhup “Elisa di Safat nipmot no rinaha. Nipou yo noni mpu kep Elia.”

NEHEMIA 8:17

Limwa nya di ingkwei hanyen kwei leu ingkiaisi yahagom yohok ig jibei nya bibong ser. Nipou yo tirigi yohok ig jibei mpam meng mem nijam Yosua di Nun nipmot kikau kwei bipek ammani kep ne ingon prion ser midut dima lo, ikinyon eisi hanyen njap di ammani tu. Gima rino tungwatu nya yahagom ingon llei bibor cem ingon nggei-hi-nggei cem.

NEHEI LEUSI 24:13

Lene Musa kin nisut Yosua di ya kui noni itin ei ba, Musa nongkom kui nungug di tuhan ningat rin eisi dima.

MBEN ISRAEL IMBUT-MBUT NYEN 11:28

Lene Yosua di Nun nipmot po ya kui Musa habiei nipilei yo bimpu noni pima hap niji bisrep tut bipai “Andigpoi e, acuk yo cin dima mem gima ikes hon ba, itri tut nihyet bu au.”

MBEN ISRAEL IMBUT-MBUT NYEN 12:7

Noro tirigi dimbrap bit Ditde awak di Musa lene nok gima bi. Dita noni nok nibou di ninyeng tak kep Ditde limwa di mben Israel.

MBEN ISRAEL IMBUT-MBUT NYEN 13:16

Musa cuk yo dini mem gima yuug yok itta kep minu dima. Mpe dima ne Musa luei Hosea di Nun nipmot ninyeng ba, jem ninyeng Yosua.

MBEN ISRAEL IMBUT-MBUT NYEN 13:8

kin Hosea di Nun nipmot di ntun keret Efraim him,

LUKAS 16:10

No di ningon gom tut mun di nimien ningon gom tut mun di nindig cem. Noro no di ningon gom tut mun di nimien bi lene ningon gom tut mun di nindig cem bi.

KISAH 7:45

Ei nidipti bu lene ide pung di intun him nya iba yo kep prak meng dima leu idigup bat-idigai bat nya bibiang-biang nyen tirigi yoni kin Yosua injei bitot ngkiai nya di Allah jji yok bingwig sindam leu api igyai minu dini bigyati. Prak meng dima jo nijoti ug bipek nijam Nibou Ndig Daud.

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

NINDAT KEP TUHAN NICUKTI NYA 1:38

Noro ma abindei Yosua di Nun nipmot di ya kui na ningon nddong ba, ngkiem cem. Noni mibie tut Israel leu api yoni mikieng kep minu dima bigyati.’

NINDAT KEP TUHAN NICUKTI NYA 31:23

Lene tuhan pai bak Yosua di Nun nipmot “Suar angon nddong ba, ata abou eisi lewo jei bi lene abie tut mben Israel ug ei minu di dipreu ei mem yok nipou su. Midingat rin bit na.”

NINDAT KEP TUHAN NICUKTI NYA 31:3

Nonti mibie tut je leu api mihwen ngkiai nya di ibong ser minu dima bingwig leu binhyepo jikieng kep minu dima nisurti-nipekti. Lene Yosua minok nibou di bie tut je bit leu nok gi po tuhan pai binye pima.

NINDAT KEP TUHAN NICUKTI NYA 33:1

Nipou tirigi noni mai bigyo lene Musa di Allah pinak bak mben Israel ngat nadi tindei mun di kei mem yoni bipai,

NINDAT KEP TUHAN NICUKTI NYA 34:12

Nabi di sindem nok Musa mem gima bibon mun di mindur di bindei ba, tungwatu nya ingon ttin bibor nya bou mben Israel igyai him hi bi sren.

NINDAT KEP TUHAN NICUKTI NYA 34:5

Lene Musa di nok tuhan de awak mai ei sirima ei minu Moab bit leu nok gi po tuhan pai sut noni pima.

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

TITUS 1:1

Srat dini leu da di Paulus. Dinok awak mem Allah bidiyai dinyeng nok no di ya kui Yesus. Allah dimig da leu binhyepo dibiwin kep yo di Noni dimig ei su nya ide niba ningon com Kristusti. Dipingok ingonti leu binhyepo ingon dorti tut nihyet di nijit di bindei ba, igyai munti nya bit leu Allah ningon kanti mem yok.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

YOSUA 1:15

kikau bibou yahagom icoi ba, ikieng kep minu di tuhan di nok jide Allah pek biyok ei Minyei Yordan nite dima ug nipou ug e. Tirigi keret mben Israel nindigsi nya ibong kei igwam kei ei hanjop nsi dima tu lene mibon nikwesti mem jingkwei hanyen ba, jiya bijikieng kep jide hanjop nsi ei Minyei Yordan nite dini kwei bei mpia nipriti bit leu nok Musa po tuhan de awak pima preu ei mem je tu.”

YOSUA 1:2

“Ditde awak di Musa mai su. Ma nani kin mben Israel jahagom jitin ei mem gima jisigon Minyei Yordan leu binhyepo jicoi ug ei minu di midiyai biyok.

YOSUA 12:6

Yo cin dima ne nibou ndig po Musa ya tut mben Israel di ibindei timek yok pima ri. tuhan de awak di Musa kwas dihyei di nibou ndig cin dima ide tut keret Ruben kin Gad kin Manasye nite hi binok ide dihyei hanjop nsi nya.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.