YOHANES GI NIGOM 5:7 - ALLAH NIHYET MEM TUNGWATU NYA

⁷ Mun nyeng ningai di ingat gini bou igyai him bitri tut yo rinaha.

YOHANES GI NIGOM 5:7 ပူးပေါင်းရင်းမြစ်များ

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 18:16

Gino ningon tunggwei ade nipingok noti lene ma abuwak tungwagom-tungwacan ba, ibikum na. Lewo Allah Nihyet pai binye ‘Isuar ibou can ibou ningai di ingat no dima nitunggweisi bou igyai him nipou tirigi abakilak noni bigyo.’

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

YOHANES 1:1

Habiei ei nimbie him nipou tirigi Allah pai tes dihyeisi dini bigyo ne Nihyet No rinaha. Nihyet dima ningat rin bit Allah ba, noyam kin Noni cem.

YOHANES 10:30

Dicig kin Dani ninok gom kin yam.”

YOHANES 12:28

Arig e, akum ei Ade ninyeng jei biborti o!” Yesus pai nok rino nihyet gom tibim kwei leu gwamti bibuhup “Dikum ei Ditde ninyeng jei biborti tu ba, midibikum eisi hanyen bu.”

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

YOHANES 8:18

Dimbrap gau Danti ba, Dicig di cuk Da kwei cem mbrap gau Da.”

YOHANES 8:54

Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo,

KISAH 2:33

lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je.

KISAH 5:32

Nyeni ningat mun dini yok hagom bou niyai him tu. Allah Ninnei di Allah yai bak yo di ibit nihyet cem ngat mun dini yok hagom bou niyai him tu.”

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

YOHANES GI NIGOM 1:1

Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu.

YOHANES GI NIGOM 5:6

No di srek kwei ei dihyeisi dini ne Yesus Kristus rin ba, Noni kwei yai nitur No ei minyeiti ba, ninggrom siber tug hon nimaisi cem. Noni kwei sut minyei he bi noro kwei sut minyei kin ninggrom. Allah Ninnei ngat gini bou niyai him bitri tut bipia hagom ne nijit rin lewo Noni ris bi sren.

YOHANES GI NIGOM 5:8

Allah Ninnei kin minyei kin ninggrom ba, hagom ce tut yam.

NINGAT-HI-NGAT NYA 19:13

Noni juk sinsun ndok di jei di mun nggrom silipti. Ninyeng rino Allah Nihyet.