YOHANES GI NIGOM 5:1 - ALLAH NIHYET MEM TUNGWATU NYA

¹ No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:1 ပူးပေါင်းရင်းမြစ်များ

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

LUKAS 7:5

lewo ningon ngakei nye di mben Yahudi bingot ig mbusyamei hi mem nye tu.”

YOHANES 1:3

Allah pai tes mun di hagom tug hon Noni ba, pai tes mun nyeng gom njiriek Noni bi.

YOHANES 15:23

No di ningon mpo tut Da ningon mpo tut Dicig cem.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

KISAH 8:36

Yo cin dima imbut kak puig sinon biyuug krau minyei utti gom. Andigpoi pai “Angat i, minyei ut rimo! Mindei bu ribindei dino ma atur da ei minyei ut dimati bi i?” [

KISAH 8:37

Lene Filipus buhup “Gino aba angon titut yam bingon jo kep Yesus lene dice tut ba, ayai nitur na ei minyeiti hak ug.” Andigpoi leu minu Etiopia dima pai “Dingon jo kep bipia Yesus Kristus ne Allah Nipmot ri.”]

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

YOHANES GI NIGOM 2:10

No di ningon ngakei nisut no di Kresten no mbut mem nipigati leu api bindei ba, hiter cut ei sisarti bi.

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

YOHANES GI NIGOM 3:17

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.

YOHANES GI NIGOM 3:9

No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.

YOHANES GI NIGOM 4:2

Gino hi pai jit bipia Yesus Kristus srek kwei ei dihyeisi dini nok tungwatu lene no dima yai Ninnei di kwei leu Allah. Jingon midorti tut bipia no dima yai Allah Ninnei ei ningonti tu.

YOHANES GI NIGOM 4:20

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.

YOHANES GI NIGOM 4:7

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.

YOHANES GI NIGOM 5:5

Tou ribindei cut mun di ntun dihyeisi dini him i? No di ningon jo kep bipia Yesus ne Allah Nipmot rin a.