YOHANES GI NIGOM 4:9 - ALLAH NIHYET MEM TUNGWATU NYA

⁹ Allah ndo ningon ngakei nyeti brei binye tirigi pinak Nipmot di nimig gom ngat kwei ei dihyeisi dini leu binhyepo igyai niyaijo nijep tug hon Noni.

YOHANES GI NIGOM 4:9 ပူးပေါင်းရင်းမြစ်များ

NITRITI 22:2

Lene Allah binut bu bipai “Ma abuwak apmot gom ngat di Ishak di angon ce bi ba, juug ei dihyei Moria. Suar abui noni bit leu nok mindhe-ndhe di abui leu api andig kep hum ei nimbar hum dokti ei mbigdip di midindo binani yo.”

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

MARKUS 12:6

Ba anggur niceu mipinak tou kwei i? Jo tungwagom ngat he ba, tungwa gom ngat dima ne ba anggur niceu nipmot di ningon ngakei nindig bibor ri. Gima rino noni cuk nipmot ei niabiati buug ngat yok lewo kan bipia yo dima mikuk yok binoni.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 3:18

No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 6:29

Yesus buhup “Allah ningon kanti mem je rinok gini. Ma jiba jingon com No di Noni cuk kwei su.”

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:57

Dicig di cuk Da kwei ne niyaijo nijep nibousi ri. Diyaijo tug hon Noni. Nok gima cem tut no di yem dinghui. Noni yai niyaijo nijep tug hon Da.

YOHANES 8:29

No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

YOHANES 9:3

Yesus buhup “Nide sisar bindei niyai di tu ba, nicig-nipmem nya ide sisar bindei niyai di tu cem bi. Gi niyai tu dima bon nikwesti mem tungwatu nya ingat Allah de nisindemti di bindei ba, noni kei hanyen.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

IBRANI 1:5

Allah pai sut Nide malaikati nya “Dipmot riNani ba, njap di ammani di nok Acigya”. Nok e? Noni pai nok gima bi sren. Nok gima cem Noni pai sut malaikati hi bipai “Midinok Nicig lene Noni minok Dipmot rin” bi sren

YOHANES GI NIGOM 3:16

Ingon dorti tut mun di bindei mbut ningon ngakei yamti tug hon Kristus di kes niyaisi ei mem nye. Ma nyeni cem ikes igyaisi ei mem isut bat nya!

YOHANES GI NIGOM 4:10

Ningon ngakeisi rinok gini. Ingon ngakei Allah bibie bi. Noro Noni ningon ngakei nye bibie leu api pinak Nipmot kwei ei dihyeisi dini leu binhyepo igyai nikos ser ide sisarti tug hon Noni.

YOHANES GI NIGOM 4:16

Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.

YOHANES GI NIGOM 5:11

Mun di Allah ngat bou niyai him bitri tut ndo bipia Noni yai niyaijo nijep dijo kikau binye tu ba, niyaijo nijep dima nibousi rino Nipmot.

YOHANES GI NIGOM 5:13

Dipas kep srat dini bak je di jingon jo kep Allah Nipmot leu binhyepo jingon dorti tut bipia jiyai niyaijo nijep di jo kikau tu.