Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANES GI NIGOM 4:7 - ALLAH NIHYET MEM TUNGWATU NYA

7 Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

အခန်းကိုကြည့်ပါ။ ကော်ပီ




YOHANES GI NIGOM 4:7
25 ပူးပေါင်းရင်းမြစ်များ  

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.


No di ningon ngakei Allah kin tungwatu nya bi ningon dorti tut Allah bi lewo Allah ne nibousi mem ningon ngakei yamti ri.


Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.


No di ningon ngakei nisut no di Kresten no mbut mem nipigati leu api bindei ba, hiter cut ei sisarti bi.


Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,


Ninnei di Allah yai binye bindei ba, ingwes mien bi noro sindem tut nye biyai ningon ngakei yamti kin noom ningon binye.


Hi ngat Allah bou niyai him bi sren lo, gino ingon ngakei yam ne Allah niyaijo nok gom kin nye ba, ingon ngakei tungwatu nya mungkun tu.


Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.


Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.


Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.


tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.


Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?


Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.


Noro Allah kan bidem tut no di ningon ngakei Noni jit-jit.


Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.


Gino hi pai “Dingon dorti tut Allah mungkun tu” lo, yai igbit Allah nicuk noti nya bi lene no dima ne niris kep mun cig rin ba, Allah coi ei ningonti bi.


Disut bat di dingon kieti jen, srat di dipas kep bak jeni dini ne nicuk nyeti di nijep rin bi. Gini ne nicuk nyeti timiei di itri tut bak jeni habiei ei nimbie him di tibim ei jitingou nsi rin tirigi sindi jingon jo kep Kristus.


No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.


Disut bat di dingon kieti jen, gino Allah ningon ngakei nye nok gima lene ma nyeni cem ingon ngakei yam.


Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.


No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.


Gima rino na di Sindig e, ditigtai na bibor tut mun nyeng gom. Gi dipas tut dini ne nicukti di nijep rin bi. Noro dipas bram nicukti timiei di jimiap tut habiei ei nimbie him tu. Ningat ne ma yahagom ingon ngakei yam.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ