YOHANES GI NIGOM 4:4 - ALLAH NIHYET MEM TUNGWATU NYA

⁴ Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

YOHANES GI NIGOM 4:4 ပူးပေါင်းရင်းမြစ်များ

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

YOHANES GI NIGOM 4:16

Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.

KORINTUS GI NIGOM 2:12

Nyeni ipriet kin mun di kei di Allah njei bak nyeni hagom lewo Noni yai ninnei di ntun dihyeisi dini him binye bi noro yai Nonti Ninnei binye.

YOHANES GI NIGOM 5:19

Mbro nok gino No Di Ba Nitok Bak Allah ninyeng tak kep tungwatu dihyeisi dini yahagom lo, ingon dorti tut Allah di ninyeng tak kep nye.

YOHANES GI NIGOM 4:13

Noni kes Nonti Ninnei ei ingonti tu. Gima rino ingon dorti tut bipia igyaijo nok gom kin Noni ba, Noni niyaijo nok gom kin nye.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

YOHANES GI NIGOM 3:24

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.

YOHANES 12:31

Tto bou dem mem Allah pai kep tungwatu dihyeisi dini tu. Tto bou dem mem Allah com no di ninyeng tak kep tungwatu dihyeisi dini leu.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

YOHANES GI NIGOM 2:13

Je di andigpoi di jibon jimunggwom bat nya e, dipas kep srat dini bije lewo jingon dorti tut No di ningat rin habiei ei nimbie him kikau kwei bipek ammani kep mungkun tu. Pinjoi pilei jen, dipas kep srat dini bije lewo jibindei cut No Di Sibut tu.

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

YOHANES 16:11

Yoni ingon kiowi tut hukum di micut igkep yok lewo Allah pai kep no di ninyeng tak kep tungwatu dihyeisi hagom tu.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

YOHANES 14:30

Dimbrap bit je kikau bi lewo tto bou mem no di ninyeng tak kep dihyeisi dini dideu su. Noro noni sindem mem gima om kep Da bi.

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.

YOHANES GI NIGOM 3:20

Gino ingon mien paisi pai kep nyenti lene ma igyok ngon kep bipia Allah sindem njiriek ingon mien paisi dima ba, Noni kan tut mun nyeng hagom.