YOHANES GI NIGOM 4:1 - ALLAH NIHYET MEM TUNGWATU NYA

¹ Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YOHANES GI NIGOM 4:1 ပူးပေါင်းရင်းမြစ်များ

TESALONIKA GI NIGOM 5:21

Ma jibinai sut nihyet hagom bijibit gi hi di kei nya.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

NIPINGOK NINGONTI 14:15

No di ningon mbum ningon jo kep mun nyeng hagom di tibim ei tungwatu nya yuhui him noro yo di ingon ki nya ingon sok kep yonti tut igyai munti nya.

KORINTUS GI NIGOM 14:29

Gino jibou poi jitri tut Allah nihyet lene ma jibou can jibou ningai he ba, jimbrap kikep sindam lene yo di mbusyamei nya iba ingon srip huk nihyet di itri tut dima ug e.

YOHANES GI NIGOM 2:18

Dimunggwom bat jen, nijam dini son dideu njap ningwig honti tu! Jimiap tut No Di Ba Nitok Bak Kristus ninghapti tu. Noni mittau kep nye lo, yo di iba nitok bak Kristus imang bibor ittau kwei su. Gima rino ikan tut bipia nijam dini son dideu njap ningwig honti tu.

LUKAS 12:57

“Nggon rino jikos tut mun di igbit mem jenti bi i?

LUKAS 21:8

Noni buhup “Ma jitindei ser tungwatu nya leu binhyepo hi ris bije bijisrawir au. Lewo tungwatu nya imang bibor iba dinyeng bipai sut yonti bipia yoni ne Da rin cem tto bou dem tu cem. Noro ma jibit ighyet au.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

NINGAT-HI-NGAT NYA 2:2

Dikan tut jide midyai di jiyai nya. Dikan tut bipia jita jibou eisi ba, joom jingon bibor. Dikan tut bipia jikou sut yo di isibut nya ba, jimbus yo di ipai sut yonti bipia igya kui Yesus ingonti noro ibitot hagau apino jo nibreisi mem je bipia ibicum.

KORINTUS GI NIGOM 12:10

Allah Ninnei yai nisindemti hi bak tungwa hiter leu binhyepo tungwa hiter dima bibon mindur. Noni yai nisindemti hi bak tungwa hiter leu binhyepo tungwa hiter dima bitri tut Allah ningon kanti. Noni yai nisindemti hi bak tungwa hiter leu binhyepo tungwa hiter dima bimig mbus nisindemti nya di ntun Allah Ninnei him leu nisindemti di ntun Allah Ninnei him bi nya. Noni yai nisindemti hi bak tungwa hiter leu binhyepo tungwa hiter dima ba nihyet mindur nya bimbrap. Noni yai nisindemti hi bak tungwa hiter leu binhyepo tungwa hiter dima biluei nihyet mindur dima hanyen brei bak tungwatu nya.

KISAH 20:29

Dikan tut bipia tirigi dikes je ei bidimbut leu je lene nsien di niten-pos nya mikwei srig jikieti bibon yonti tereu nok domba nya ba, yaham domba di jinyohou yok dima nok ide mun di igyem ug ri.

MARKUS 13:21

Mpe dima lene gino hi pai bije ‘Jingat i! Nibou Ndig di teu tungwatu nya biyai niyaijo nijep biyok No rini e’ he ‘No rima e’ lene ma jingon bit ighyet au.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

NIBOU NDIG NYA GI NIGOM 13:18

Leu api nabi andig-ndau di bong ei minu ndig Betel dima ris mun bak bibuhup “Dani cem nabi noyam kin nani. tuhan sok nihyet ei Nide malaikati gom dip kwei bida leu binhyepo dikwei um nani ba, dicigit na kui ig bisiyem njita bit yam.”

YEREMIA 14:14

Noro tuhan buhup “Nabi dima yok iba dinyeng biris mun he. Dipinak yok ba, diyai nicukti biyok bidimbrap bit yok cem bi. Ningat-hi-ngat nya di ingat di isimbot kep nya kwei leu Dani bi. Ide nimbot kepti nya kwei leu yonti ingon kanti he ba, bon ninyeng bi.

YEREMIA 23:16

tuhan Di Sindem Bibor pai bak timiei minu ndig Yerusalem “Ma jimiap kep jide nabi nya ighyet bu au. Lewo ibindei ba, jiyok jingon mem mun di igbit bi. Itri tut mun di yonti ikan huk nya bije lo, itri tut dihyet bije bi.

TESALONIKA GI NIGOM 5:20

Ma jingwes pri gau nihyet di kwei leu Allah Ninnei au.

TESALONIKA GI NICAN 2:2

Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi.

YOHANES GI NIGOM 2:7

Disut bat di dingon kieti jen, srat di dipas kep bak jeni dini ne nicuk nyeti di nijep rin bi. Gini ne nicuk nyeti timiei di itri tut bak jeni habiei ei nimbie him di tibim ei jitingou nsi rin tirigi sindi jingon jo kep Kristus.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.