YOHANES GI NIGOM 3:9 - ALLAH NIHYET MEM TUNGWATU NYA

⁹ No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.

YOHANES GI NIGOM 3:9 ပူးပေါင်းရင်းမြစ်များ

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

YOHANES 1:13

Yoni inok nimunggwom bat nya tug hon nisrek leu tungwatu nyati ba, tug hon tungwatu nya ingut kanti cem bi. Noro Allah bindei ba, igyai niyaijo nijep.

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

GALATIA 5:17

Lewo ningut kanti di ntun dihyeisi dini him tte tut ningon kanti di ntun Allah Ninnei him. Ningon kanti di ntun Allah Ninnei him tte tut ningut kanti di ntun dihyeisi dini him ba, hacem tte tut yam. Gino jibit Allah Ninnei nibie tut jeti lene bit bon jiyai munti nya bit leu jingut kanti di ntun dihyeisi dini him kan bi.

YOHANES GI NIGOM 4:7

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

MATIUS 7:18

Bit bon biei di kinei ningat ntun biei di kei him kan bi. Bit bon biei di nggwop kei ningat ntun biei di kinei him kan bi.

ROMA 6:2

E bi! Sisar tak kep nye bu bi. Gima rino nggon rino ibon kep sisar kikau bu i?

KISAH 4:20

Lewo bit bon nikimut nuhui leu mun di ningat bou niyai him binimiap ei nitingou nsi cem kan bi.”

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

AYUB 19:28

jihwen bit da bijinjei kep da. Jinggok ser mun di jisu tindei mem gima jihwen da drek dip.

MAZMUR 119:3

Yo di ibon mun di kinei bi di idimig ide niyaijoti ba, ibibit tuhan ningon kanti nya ingon nggei-hi-nggei.

YOHANES GI NIGOM 3:6

Gima rino yo di igyaijo nok gom kin Kristus yahagom ibon sisar ninyen bi. Noro yo di ibon sisar ninyen ikan huk Kristus ba, ingon dorti tut Noni bi sren.

YOHANES GI NININGAI 1:11

Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.

IMAM NYA IDE MIDYAI 11:37

Gino ingut hi cut bingget njita ngan di ibet ei mem ibigimahap ei dihyeiti lene mun dima mibindei map kui njita ngan dimati bi.